ന്യൂദല്ഹി: റഷ്യ യുദ്ധം നിര്ത്തണമെന്ന പ്രമേയം പാസാക്കാനായി ഇന്ന് ചേരുന്ന ഐക്യരാഷ്ട്ര പൊതുസഭയിലും നിഷ്പക്ഷ നിലപാട് തുടരുമെന്ന് ഇന്ത്യ വ്യക്തമാക്കി. സമാധാനത്തിന് ഒരിടം കൂടി നല്കാനാണ് തീരുമാനം.
1950നു ശേഷം പൊതുസഭയുടെ 11-ാമത്തെ അടിയന്തര സമ്മേളനമാണിത്.
ഉെ്രെകനിലെ ഇപ്പോഴത്തെ സംഭവങ്ങളില് വലിയ അസ്വസ്ഥതയുണ്ട്. അക്രമം അവസാനിപ്പിക്കണം. മനുഷ്യ ജീവന് ഇല്ലാതാക്കി ഒരു വിഷയവും പരിഹരിക്കാനാവില്ല. യുഎന് ചട്ടങ്ങള് പാലിക്കണം. എല്ലാ രാജ്യങ്ങളുടെയും പരാമാധികാരവും അഖണ്ഡതയും സംരക്ഷിക്കണം. ചര്ച്ചയിലൂടെ മാത്രമേ ഇപ്പോഴത്തെ വിഷയങ്ങള് പരിഹരിക്കാന് കഴിയുകയുള്ളൂ. ഈ സാഹചര്യത്തില് ചര്ച്ചയ്ക്കുള്ള എല്ലാ വഴിയും തേടണം. ഈ കാരണം കൊണ്ട് വോട്ടെടുപ്പില് നിന്ന് വിട്ടു നില്ക്കുന്നുവെന്നായിരുന്നു വിശദീകരണം.
റഷ്യയെ തള്ളിയത് കൊണ്ടു മാത്രം ഇപ്പോഴത്തെ സംഘര്ഷം അവസാനിപ്പിക്കാന് കഴിയില്ലെന്നാണ് ഇന്ത്യ വിലയിരുത്തുന്നത്.ഐക്യരാഷ്ട്ര സഭയില് റഷ്യയ്ക്കെതിരായ പ്രമേയത്തിന്റെ വോട്ടെടുപ്പില് നിന്ന് നേരത്തെ ഇന്ത്യ നവിട്ടു നിന്നിരുന്നു. ഇങ്ങനെ വിട്ടു നിന്നത് സമാധാന ശ്രമങ്ങള്ക്ക് ഇടം നല്കാനെന്നായിരുന്നു ഇന്ത്യുടെ നിലപാട്യ. റഷ്യയെ പിണക്കിയത് കൊണ്ട് ഒരു കാര്യവുമില്ലെന്നും അന്ന് ഇന്ത്യ വിലയിരുത്തി. ഇന്ത്യ, ചൈന, യുഎഇ എന്നീ രാജ്യങ്ങളാണ് റഷ്യക്കെതിരായ യുഎന് പ്രമേയത്തിന്റെ വോട്ടെടുപ്പില് നിന്ന് അന്ന് വിട്ടുനിന്നത്.
ഇന്ത്യയ്ക്കും റഷ്യയ്ക്കും ഇടയില് നല്ല ബന്ധമാണുള്ളത്. തത്കാലം ഒറ്റ വോട്ടു കൊണ്ട് ഇത് തകര്ക്കേണ്ടെന്ന് സര്ക്കാര് തീരുമാനിക്കുകയായിരുന്നു. ഇരു രാജ്യങ്ങള്ക്കുമിടയിലെ ആയുധ കരാറുകളും വോട്ടെടുപ്പില് നിന്ന് ഇന്ത്യ വിട്ടുനില്ക്കാന് കാരണമായി. ചൈനയും പാകിസ്ഥാനും യോജിച്ച് നില്ക്കുമ്പോള് റഷ്യയെക്കൂടി ആ അച്ചുതണ്ടില് ചേര്ക്കേണ്ടതില്ലെന്നാണ് ഇന്ത്യ കരുതുന്നത്. ചൈന അതിര്ത്തിയില് കടന്നുകയറ്റം നടത്തിയപ്പോള് അമേരിക്കയേക്കാള് ഇന്ത്യയോട് ചേര്ന്ന് നിന്നത് റഷ്യയാണ്.
