കീവ്: ലോകമെങ്ങും ഉറ്റുനോക്കുന്നത് ഉക്രൈന്-റഷ്യ യുദ്ധമാണ്. യുദ്ധമുനമ്പില് നിന്ന് വരുന്ന വീഡിയോകളും ധാരാളമായി സമൂഹമാധ്യമങ്ങളില് എത്തുന്നുണ്ട്. പലതും കണ്ണീരണിയിക്കുന്നതാണെങ്കിൽ ചിലവ നമ്മളെ അക്ഷരാര്ത്ഥത്തില് ഞെട്ടിക്കും.
ഇപ്പോള് ഉക്രൈന് രാജ്യാന്തരമാധ്യമം പുറത്ത് വിട്ട വീഡിയോ എല്ലാവരെയും ഞെട്ടിക്കുന്നതാണ്. ഒരു ഉക്രൈന് പൗരന്റെ കാറിന് മുകളിലൂടെ റഷ്യന് ടാങ്ക് കയറിപോകുന്നതിന്റെ ദൃശ്യങ്ങളാണ് അത്. ടാങ്കറിന് അടിയില്പ്പെട്ട് തകര്ന്ന കാറില് നിന്ന് ഉക്രൈന് പൗരന് അത്ഭുതകരമായി രക്ഷപെട്ടു.
കാറിലേക്ക് മനപൂര്വ്വം ടാങ്ക് ഇടിച്ച് കയറ്റുകയാണ്. കുറേ ആളുകള് ചേര്ന്ന് വളരെ കഷ്ടപ്പെട്ടാണ് അദ്ദേഹത്തെ കാറില് നിന്ന് രക്ഷപെടുത്തുന്നത്. യുദ്ധം ശക്തിപ്രാപിക്കുന്ന കീവില് ആള്നാശം വളരെ കൂടുതലാണ്. കണക്കുകള് പുറത്ത് വന്നിട്ടില്ല.മെട്രോ സ്റ്റേഷനും, തീരത്ത് ഉണ്ടായിരുന്ന കപ്പലുകളും റഷ്യ തകര്ത്തതായി റിപ്പോര്ട്ടുകള് പറയുന്നു.
