തിരുവനന്തപുരം: വാവാ സുരേഷിന് വീട് നിര്മ്മിച്ചു നല്കാന് ധാരണാപത്രം ഒപ്പിട്ടു. അഭയം ചാരിറ്റബിള് സൊസൈറ്റിയാണ് വീട് നിര്മ്മിച്ചു നല്കുക.
കയ്യില്വരുന്ന പണം മുഴുവന് പാവങ്ങള്ക്കും ആവശ്യക്കാര്ക്കും വീതിച്ചുനല്കുന്ന വാവാ സുരേഷ് അമ്മയോടും സഹോദരിയോടും ഒപ്പം ഇപ്പോഴും ഓലപ്പുരയിലാണ് താമസം. ഇവിടെ സുരേഷിന് ലഭിച്ച പുരസ്കാരങ്ങള് പ്രദര്ശിപ്പിക്കാന് പോലും സൗകര്യമില്ല. സുരേഷിന്റെ പ്രവൃത്തികള് തുടരാന് വേണ്ടിയാണ് വീടിന്റെ കാര്യത്തില് ഇടപെടുന്നതൈന്ന് മന്ത്രി വാസവന് പറഞ്ഞു.
അഭയം ചാരിറ്റബിള് സൊസൈറ്റിയാണ് വീട് നിര്മ്മിച്ചു നല്കുക. കുടുംബാംഗങ്ങളുടെ താല്പര്യമനുസരിച്ചായിരിക്കും പ്ലാന് ഉണ്ടാക്കുകയെന്നും മന്ത്രി പറഞ്ഞു. വീട് വെച്ച് നല്കാനുള്ള തീരുമാനത്തെ താന് സ്വാഗതം ചെയ്യുന്നതായി സുരേഷ് പറഞ്ഞു. പാമ്പുകടിയേറ്റ് ചികിത്സയിലായിരുന്ന അദ്ദേഹം സുഖംപ്രാപിച്ചതിനെ തുടര്ന്ന് ചൊവ്വാഴ്ച ആശുപത്രി വിട്ടിരുന്നു.
