ലക്‌നൗ: ഉത്തര്‍പ്രദേശ് തെരഞ്ഞെടുപ്പില്‍ മുഖ്യമന്ത്രി യോഗി ആദിത്യനാഥിനെ എതിരേ ഗോരഖ്പൂരില്‍ ഭീ ആര്‍മി അധ്യക്ഷന്‍ ചന്ദ്രശേഖര്‍ ആസാദ് മത്സരിക്കും. യോഗിക്കെതിരേ മത്സരിക്കുമെന്ന് നേരത്തേ ആസാദ് പ്രഖ്യാപിച്ചിരുന്നു. ഗോരഖ്പൂരില്‍ യോഗിയുടെ സ്ഥാനാര്‍ത്ഥിത്വം ഔദ്യോഗികമായ പ്രഖ്യാപിച്ചതിനു പിന്നാലെയാണ് ആസാദിന്റെ പാര്‍ട്ടിയുടെ പ്രഖ്യാപനം.
2019ല്‍ നരേന്ദ്ര മോദിക്കെതിരേ മത്സരിക്കുമെന്ന് 34 കാരനായ ആസാദ് പ്രഖ്യാപിച്ചെങ്കിലും പിന്നീട് പിന്‍മാറി മായാവതിയുടെ ബിഎസ്പിക്ക് പിന്തുണ നല്‍കുകയായിരുന്നു.
യോഗി ആദിത്യനാഥ് ശ്രീരാമന്റെ നാടായ അയോധ്യയില്‍ നിന്നും മത്സരിക്കുമെന്ന് നേരത്തെ വാര്‍ത്ത പ്രചരിച്ചിരുന്നു. എന്നാല്‍ ബിജെപി ശനിയാഴ്ച പുറത്തുവിട്ട 105 സ്ഥാനാര്‍ത്ഥികളുടെ ലിസ്റ്റില്‍ ഗോരഖ്പൂരില്‍ നിന്നും മത്സരിക്കുന്ന സ്ഥാനാര്‍ത്ഥിയായി യോഗി ആദിത്യനാഥിന്റെ പേര് ഉള്‍പ്പെടുത്തുകയായിരുന്നു.
