ന്യൂദല്‍ഹി: മുസ്ലിങ്ങള്‍ ഇന്ത്യന്‍ എയര്‍ഫോഴ്‌സില്‍ ചേരരുതെന്നും അവിശ്വാസികള്‍ക്ക് വേണ്ടി പോരാടരുതെന്നും നിര്‍ദേശിച്ച് സൗദി അറേബ്യ ആസ്ഥാനമായി പ്രവര്‍ത്തിക്കുന്ന ഇസ്ലാമിക പണ്ഡിതനും പ്രഭാഷകനുമായി അസിം അല്‍ ഹക്കിം. ഖുറാന്‍ വാക്യങ്ങള്‍ ഉദ്ധരിച്ചാണ് ട്വിറ്ററിലൂടെ തനിക്ക് ഇന്ത്യന്‍ വ്യോമസേനയില്‍ ചേരാമോ എന്ന ചോദ്യത്തിന് ഹക്കീം ഇത്തരത്തില്‍ മറുപടി നല്‍കിയത്. ട്വിറ്റര്‍ ഉപയോക്താവായ ഹലാല്‍ മഗ്വേര്‍ ഹകികീമിനെ ടാഗ് ചെയ്തു ചോദിച്ചത് ഇങ്ങനെയായിരുന്ന ”നമുക്ക് ഇന്ത്യന്‍ വ്യോമസേനയില്‍ പൈലറ്റായി ചേരാമോ?. ചോദ്യത്തിന് മറുപടിയായി ”ഇത് അനുവദനീയമല്ല” എന്ന് ഹക്കീം മറുപടി നല്‍കി.
കാരണം അദ്ദേഹം വിശദീകരിച്ചില്ലെങ്കിലും, അദ്ദേഹത്തിന്റെ അനുയായികള്‍ ഖുറാന്‍ ഉദ്ധരിച്ച് ‘അവിശ്വാസികളെ സഹായിക്കുന്നതില്‍’ നിന്ന് മുസ്ലീങ്ങളെ അല്ലാഹു വിലക്കുന്നുവെന്ന് പറഞ്ഞു. വിശുദ്ധ ഗ്രന്ഥത്തിന്റെ നാലാമത്തെ അധ്യായമായ അന്‍-നിസയിലെ 4:76 വാക്യം അദ്ദേഹം ഉദ്ധരിച്ചു: ”വിശ്വാസമുള്ളവര്‍ അല്ലാഹുവിന്റെ മാര്‍ഗത്തില്‍ യുദ്ധം ചെയ്യുന്നു, അവിശ്വാസികള്‍ സാത്താന്റെ മാര്‍ഗത്തില്‍ പോരാടുന്നു. അപ്പോള്‍, സാത്താന്റെ കൂട്ടാളികള്‍ക്കെതിരെ പോരാടുക. തീര്‍ച്ചയായും സാത്താന്റെ തന്ത്രം ദുര്‍ബലമാണ്.’ ഇസ്ലാമിക് സ്റ്റഡീസ് എന്ന വെബ്സൈറ്റ് അനുസരിച്ച്, തന്റെ മതം ഭൂമിയില്‍ സ്ഥാപിക്കാന്‍ ഒരു വിശ്വാസിയായ മുസ്ലിം അല്ലാഹുവിന്റെ മാര്‍ഗത്തില്‍ പോരാടണം എന്ന അല്ലാഹുവിന്റെ വിധി ഈ വാക്യത്തില്‍ പ്രതിപാദിക്കുന്നു. വാക്യം അനുസരിച്ച് സാത്താന്റെ കൂട്ടാളികളായ ‘അവിശ്വാസികള്‍’ക്കെതിരെ പോരാടുന്നതിനെക്കുറിച്ചും വ്യക്തമാക്കുന്നുണ്ടെന്ന് ഹക്കീമിന്റെ അനുയായികള്‍ മറുപടി നല്‍കി.
