ഇടുക്കി : പാര്ട്ടി മുഖപത്രമായ ജനയുഗം ഗുരുനിന്ദ നടത്തിയെന്ന ഇടുക്കി ജില്ലാ സെക്രട്ടറി കെ.കെ. ശിവരാമന്റെ പ്രസ്താവനയില് വിശദീകരണം തേടി സിപിഎം. ശ്രീനാരായണ ഗുരുജയന്തിയുടെ പ്രാധാന്യം കുറച്ചു നല്കിയെന്ന ശിവരാമന് സമൂഹ മാധ്യമത്തിലൂടെ വിമര്ശനം ഉന്നയിച്ചത് വിവാദമായിരുന്നു. ഇതിന്റെ പശ്ചാത്തലത്തിലാണ് സിപിഎം കാരണം കാണിക്കല് നോട്ടീസ് അയച്ചത്.
ഏത് സാഹചര്യത്തിലാണ് വിമര്ശനം ഉന്നയിച്ചതെന്നാണ് അദ്ദേഹത്തോട് ചോദിച്ചിരിക്കുന്നത്. നോട്ടീസിന് മറുപടി നല്കിയെന്ന ശിവരാമന് പ്രതികരിച്ചു. ആഴ്ചാവസാനം ചേരുന്ന സിപിഐ സംസ്ഥാന എക്സിക്യൂട്ടീവ് യോഗം ശിവരാമന്റെ മറുപടി ചര്ച്ച ചെയ്യും.
ശ്രീനാരായണഗുരു ജയന്തി ദിനത്തില് പത്രങ്ങള് ഗുരുദര്ശനങ്ങളെക്കുറിച്ച് ലേഖനങ്ങള് എഴുതിയപ്പോള് ജനയുഗം ഒന്നാം പേജില് ഒരു ചെറിയ ചിത്രം മാത്രമാണ് കൊടുത്തത്. ജനയുഗം ഗുരുനിന്ദ നടത്തിയെന്നായിരുന്നു ശിവരാമന് ഫേസ്ബുക്ക് പോസ്റ്റിലൂടെ ആരോപിച്ചത്. ഗുരുവിനെ അറിയാത്ത എഡിറ്റോറിയല് ബോര്ഡും മാനേജ്മെന്റും ജനയുഗത്തിന് ഭൂഷണമല്ല. ശ്രീനാരായണഗുരു ജയന്തിയുടെ പ്രാധാന്യം കണക്കിലെടുത്തൊരു പത്രത്തിന്റെ ഭാഗത്ത് നിന്നും ഉണ്ടായില്ലെന്നും അദ്ദേഹം വിമര്ശിച്ചു. ഈ പോസ്റ്റ് സമൂഹ മാധ്യമങ്ങളില് ഏറെ വിവാദമാവുകയും എതിര് അഭിപ്രായം ഉടലെടുത്തതോടെയാണ് ശിവരാമനെതിരെ പാര്ട്ടി നോട്ടീസ് അയച്ചത്.
