കൊച്ചി: കൊവിഡ് പ്രതിരോധത്തില്‍ കേരള മോഡല്‍ പരാജയപ്പെടാന്‍ കാരണം പിണറായി സര്‍ക്കാരിന്റെ ഭരണ നിര്‍വഹണത്തിലെ പിഴവാണെന്ന് ബിജെപി മഹിളാമോര്‍ച്ചാ ദേശീയ അദ്ധ്യക്ഷ വനതി ശ്രീനിവാസന്‍ എം.എല്‍.എ. നാഷണല്‍ ഹെല്‍ത്ത് വോളന്റിയേര്‍സിന്റെ സംസ്ഥാനതല ക്യാമ്പയിന്റെ ഉദ്ഘാടനം കൊച്ചിയില്‍ നിര്‍വഹിക്കുകയായിരുന്നു അവര്‍. കേരളത്തില്‍ വാക്‌സിനേഷന്റെ ടോക്കണ്‍ വിതരണം ചെയ്യുന്നത് സംസ്ഥാന സര്‍ക്കാരിന്റെ ഉദ്യോഗസ്ഥരല്ല. സിപിഎം പ്രവര്‍ത്തകരാണ് എല്ലാം ചെയ്യുന്നത്. മറ്റൊരു സംസ്ഥാനത്തും വാക്‌സിനേഷനില്‍ രാഷ്‌ട്രീയ ഇടപെടലുകളില്ല. ഇതാണ് കേരള മോഡല്‍ പരാജയപ്പെടാന്‍ കാരണം.
കൊവിഡ് കേസുകളുടെ എണ്ണത്തില്‍ സംസ്ഥാനം രാജ്യത്ത് ഒന്നാമതായി. കേരളം ഫൈന്‍ സ്റ്റേറ്റായി മാറിയെന്ന് അവര്‍ പരിഹസിച്ചു. എല്ലാ കാര്യത്തിലും ഫൈന്‍ മാത്രമേ ഇവിടെയുള്ളൂ. ഇരുന്നാലും നിന്നാലും എല്ലാം ഫൈനാണ്. ആഗോളതലത്തിലെ പോലെ കൊവിഡ് രാജ്യത്തിന്റെയും ആരോ?ഗ്യ-സാമ്പത്തിക മേഖലയെ ബാധിച്ചു കാര്യമായി ബാധിച്ചു. എന്നാല്‍ പ്രധാനമന്ത്രിയുടെ കരുത്തുറ്റ നേതൃത്വം ഇന്ത്യയെ ശക്തമായി മുന്നോട്ട് നയിച്ചു. ഇന്ത്യ കൊവിഡിനെ നേരിട്ട രീതി ലോകം മുഴുവന്‍ അത്ഭുതത്തോടെയാണ് നോക്കി കണ്ടത്. പ്രതിരോധത്തില്‍ മാത്രമല്ല വാക്‌സിനേഷന്റെ കാര്യത്തിലും ഇന്ത്യ ലോകത്തിന്റെ ഫാര്‍മസിയായി മാറി. പല രാജ്യങ്ങളിലേക്കും നാം വാക്‌സിന്‍ അയച്ചു. വികസിത രാഷ്‌ട്രങ്ങള്‍ തുടക്കത്തില്‍ കൊവിഡിന് മുമ്പില്‍ പകച്ചുപോയത് നാം കണ്ടതാണ്. ഏറ്റവും കൂടുതല്‍ ജനങ്ങള്‍ക്ക് ഏറ്റവും വേ?ഗത്തില്‍ വാക്‌സിന്‍ നല്‍കാന്‍ സാധിച്ചത് കേന്ദ്രസര്‍ക്കാരിന്റെ മികവാണെന്നും വനതി പറഞ്ഞു. പരിപാടിയില്‍ ബിജെപി സംസ്ഥാന അദ്ധ്യക്ഷന്‍ കെ.സുരേന്ദ്രന്‍ അദ്ധ്യക്ഷത വഹിച്ചു. സംസ്ഥാന സംഘടനാ സെക്രട്ടറി എം.?ഗണേഷ്, സംസ്ഥാന സെക്രട്ടറിയും ഹെല്‍ത്ത് വോളന്റിയേര്‍സ് ക്യാമ്പയിന്റെ സംസ്ഥാന കണ്‍വീനറുമായ എസ്.സുരേഷ്, സംസ്ഥാന സെക്രട്ടറി ടിപി സിന്ധുമോള്‍, എറണാകുളം ജില്ലാ പ്രസിഡന്റ് എസ്.ജയകൃഷ്ണന്‍ എന്നിവര്‍ സംസാരിച്ചു.
