ന്യൂദല്ഹി: രാജ്യത്ത് കഴിഞ്ഞ 24 മണിക്കൂറിനിടെ 28,204 പേര്ക്ക് കൊവിഡ് സ്ഥിരീകരിച്ചത്. ഇത് കഴിഞ്ഞ 147 ദിവസത്തില് ഏറ്റവും കുറഞ്ഞ സംഖ്യയാണ്. 3,88,508 പേരാണ് നിലവില് ചികിത്സയിലുള്ളത്. ഇത് ആകെ രോഗബാധിതരുടെ 1.21 ശതമാനമാണ്. രാജ്യത്തെ രോഗമുക്തി നിരക്ക് 97.45% ഉയര്ന്നു. 24 മണിക്കൂറിനിടെ 41,511 പേരാണ് രോഗമുക്തി നേടിയത്.
അതേസമയം രാജ്യത്താകമാനം ഇതുവരെ 3,11,80,968 പേര് രോഗമുക്തരായി. രാജ്യവ്യാപക പ്രതിരോധ കുത്തിവയ്പ് പരിപാടിയുടെ ഭാഗമായി ഇതുവരെ നല്കിയത് 51.45 കോടി ഡോസ് വാക്സിന്. പ്രതിവാര രോഗസ്ഥിരീകരണ നിരക്ക് 5 ശതമാനത്തില് താഴെയായി തുടരുന്നു. നിലവില് ഇത് 2.36 ശതമാനമാണ്. പ്രതിദിന രോഗസ്ഥിരീകരണ നിരക്ക് 1.87%. കഴിഞ്ഞ 15 ദിവസങ്ങളായി മൂന്ന് ശതമാനത്തില് താഴെ. പരിശോധനാശേഷി ഗണ്യമായി വര്ധിപ്പിച്ചത്തിന്റെ ഭാഗമായി രാജ്യത്താകെ നടത്തിയത് 48.32 കോടി പരിശോധനകളാണ്.
