ന്യൂദല്‍ഹി : കോവിഡ് പ്രതിരോധത്തിന് വാക്‌സിനുകള്‍ കൂട്ടിക്കലര്‍ത്തി നല്‍കുന്നത് ഫലപ്രദമെന്ന് ഐസിഎംആര്‍. അടുത്തിടെ നടത്തിയ പഠനത്തില്‍ ഇക്കാര്യം കണ്ടെത്തിയിട്ടുണ്ടെന്നും ഐസിഎംആര്‍ അറിയിച്ചു.
കൊവാക്‌സിനും, കോവിഷീല്‍ഡും കൂട്ടി കലര്‍ത്താം. മിശ്രിതത്തിന് ഫലപ്രാപ്തി കൂടുതലായിരിക്കും. ഈ മിശ്രിതം വൈറസിനെ മെച്ചപ്പെട്ട രീതയില്‍ പ്രതിരോധിക്കുമെന്നും അറിയിച്ചു.
അതേസമയം സീറം ഇന്‍സ്റ്റിറ്റ്യൂട്ട് ഉത്പാദിപ്പിക്കുന്ന കോവോവാക്‌സീന്‍ ഒക്ടോബറോടെ രാജ്യത്ത് നല്‍കി തുടങ്ങാനാകുമെന്ന് സിഇഒ അദാര്‍ പുനെവാല അറിയിച്ചു. കുട്ടികള്‍ക്കുള്ള വാക്‌സീന്‍ അടുത്ത വര്‍ഷം ആദ്യ പകുതിയില്‍ നല്‍കാനാകുമെന്നാണ് പ്രതീക്ഷിക്കുന്നതെന്നും പൂനെവാല അറിയിച്ചു.
കഴിഞ്ഞ 24 മണിക്കൂറിനിടെ രാജ്യത്ത് 39,070 പേര്‍ക്കാണ് കോവിഡ് സ്ഥിരീകരിച്ചത്. 491 പേര്‍ മരണമടഞ്ഞു. 2.27 ശതമാനമാണ് പ്രതിദിന ടെസ്റ്റ് പോസിറ്റിവിറ്റി നിരക്ക്. 13 ദിവസമായി മൂന്ന് ശതമാനത്തിന് താഴെയാണ് ടെസ്റ്റ് പോസിറ്റിവിറ്റി നിരക്ക്.
