തിരുവനന്തപുരം: ഒന്നാം പിണറായി സര്ക്കാരിന്റെ കാലത്ത് കോവിഡ് പ്രതിരോധ പ്രവര്ത്തനങ്ങളുടെയും സാമൂഹ്യ സുരക്ഷാ മിഷന്റെയും പ്രധാന ചുമതലകള് വഹിച്ചിരുന്ന ഡോ. മുഹമ്മദ് അഷീലിനെതിരെ അച്ചടക്ക നടപടിക്ക് ശുപാര്ശ ചെയ്ത് ധനകാര്യവകുപ്പിലെ പ്രത്യേക ഓഡിറ്റ് വിഭാഗം.
ഈ കാലയളവില് കോടിക്കണക്കിന് രൂപയുടെ ഇടപാടുകള് ചട്ടവിരുദ്ധമായാണ് നടത്തിയതെന്ന് കണ്ടെത്തിയതിനെത്തുടര്ന്നാണിത്. അതേസമയം കോവിഡ് കാലത്തെ അഴിമതികളില് കര്ശന നടപടിയുണ്ടാകുമെന്ന് ആരോഗ്യമന്ത്രി കെ. മുരളീധരന് വ്യക്തമാക്കി. ഈ തട്ടിപ്പുകളെ കുറിച്ച് സമഗ്ര അന്വേഷണം നടത്തി അടിയന്തര റിപ്പോര്ട്ട് സമര്പ്പിക്കാന് മൂന്ന് മുതിര്ന്ന ഐഎഎസ് ഉദ്യോഗസ്ഥരെ ചുമതലപ്പെടുത്തിയതായി മന്ത്രി അറിയിച്ചു.
അടിയന്തര സാഹചര്യങ്ങളുടെ മറവില് കടുത്ത ചട്ടലംഘനങ്ങളും സാമ്പത്തിക അനാസ്ഥയും നടന്നുവെന്നാണ് കണ്ടെത്തല്. ഇക്കാര്യത്തില് ഡോ. മുഹമ്മദ് നല്കിയ വിശദീകരണം പൂര്ണ്ണമായും ധനകാര്യവകുപ്പ് തള്ളി.
അതേസമയം, അടിയന്തര കോവിഡ് പശ്ചാത്തലത്തില് വകുപ്പ് സെക്രട്ടറിയുടെ പൂര്ണ്ണമായ അനുമതിയോടെയാണ് താന് കാര്യങ്ങളെല്ലാം ചെയ്തതെന്നും, തനിക്കെതിരെ ഉന്നയിച്ചിരിക്കുന്ന കണ്ടെത്തലുകള് തികച്ചും അപൂര്ണ്ണമാണെന്നും ഡോ. മുഹമ്മദ് അഷീല് പറയുന്നു.
