കണ്ണൂര്‍: സ്വര്‍ണക്കടത്ത് കേസില്‍ അര്‍ജുന്‍ ആയങ്കിക്ക് വേണ്ടി കോടതിയില്‍ ഹജരാകുന്നത് ഇരുട്ടിയിലെ പ്രമുഖ സിപിഎം നേതാവ് പികെ റമീസ്. എസ്എഫ്‌ഐ സംസ്ഥാന സമിതി അംഗമായിരുന്ന റമീസ് പി ജയരാജനുമായി അടുത്ത ബന്ധമുള്ള വ്യക്തിയാണ്.
സ്വര്‍ണക്കടത്തില്‍ താന്‍ നിരപരാധിയാണെന്ന് അര്‍ജുന്‍ മാധ്യമങ്ങളോട് പറഞ്ഞിരുന്നു. അനാവശ്യമായി പാര്‍ട്ടിയെ ഇക്കാര്യത്തിന്‍ വലിച്ചിഴക്കരുതെന്നും അര്‍ജുന്‍ പ്രതികരിച്ചു. സ്വര്‍ണക്കടത്ത്- ക്വട്ടേഷന്‍ കേസില്‍ പ്രതിക്കുവേണ്ടി സിപിഎമ്മിലെ പ്രമുഖന്‍ തന്നെ ഹാജരാകുന്നത് ക്വട്ടേഷന്‍ മാഫിയയുമായി താങ്ങള്‍ക്ക് ബന്ധമില്ലെന്ന സിപിഎമ്മിന്റെ വാദത്തെ പൊളിക്കുന്നതാണ്.
എസ്എഫ്‌ഐയുടെ മുന്‍ സംസ്ഥാന നേതാവ് തന്നെ അര്‍ജുന്‍ ആയങ്കിക്കുവേണ്ടി ഹാജരായത് പാര്‍ട്ടിയെ കൂടുതല്‍ പ്രതിസന്ധിയിലാക്കി. കള്ളക്കടത്തുകാര്‍ക്ക് പാര്‍ട്ടി പ്രവര്‍ത്തകര്‍ ലൈക്കടിക്കരുതെന്ന് നിര്‍ദേശം നല്‍കിയ ഡിവൈഎഫ്‌ഐ കണ്ണൂര്‍ ജില്ലാ സെക്രട്ടറി ഷാജറിന്റെ അര്‍ജുന്‍ ആയങ്കിക്കൊപ്പമുള്ള ചിത്രം പുറത്തുവന്നത് പാര്‍ട്ടിയെ പ്രതിരോധത്തിലാക്കിയിരുന്നു.
