ചണ്ഡീഗഡ്: പതിനെട്ടു മുതല് 44 വയസുവരെയുള്ളവര്ക്ക് നല്കാന് കമ്പനിയില് നിന്ന് ഡോസിന് 400 രൂപയ്ക്ക് വാങ്ങിയ വാക്സിന് ആയിരം രൂപയ്ക്ക് സ്വകാര്യ ആശുപത്രികള്ക്ക് മറിച്ചുവിറ്റ പഞ്ചാബ് സര്ക്കാര് നടപടിക്കെതിരെ ആഞ്ഞടിച്ച് പ്രതിപക്ഷം.
20 ആശുപത്രികള്ക്കായി 1.40 ലക്ഷം ഡോസാണ് വിറ്റത്. നാണം കെട്ട ആരോഗ്യ മന്ത്രി ബല്ബീര് സിങ് സിദ്ധു രാജിവയ്ക്കണമെന്ന് ബിജെപി നേതാവ് അനില് സരിന് ആവശ്യപ്പെട്ടു.
ജനലക്ഷങ്ങളുടെ ജീവന് സുരക്ഷിതമാക്കാന് ഒരു വശത്ത് കേന്ദ്രത്തിലെ മോദി സര്ക്കാര് സൗജന്യമായി വാക്സിന് നല്കുമ്പോള് കോണ്ഗ്രസ് സര്ക്കാര് അത് വിറ്റ് കാശാക്കുകയാണ്. മുഖ്യമന്ത്രി അമരീന്ദര് സിങ്ങും ആരോഗ്യമന്ത്രി ബല്ബീര് സിങ്ങ് സിദ്ധുവും ചേര്ന്ന് പൊതുജനാരോഗ്യം ആശങ്കയിലാക്കി, ഇത് കൊള്ളടിയാണ്, അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: