ശ്രീനഗര്: ജമ്മുകശ്മീരിലെ പുല്വാമ ജില്ലയില് ബി.ജെ.പി. നേതാവിനെ ഭീകരര് വെടിവെച്ചു കൊന്നു. കൗണ്സിലറായ രാകേഷ് പണ്ഡിറ്റാണ് കൊല്ലപ്പെട്ടത്. ബുധനാഴ്ച രാത്രി പത്തുമണിയോടെയായിരുന്നു ആക്രമണം. ആക്രമികളെ കണ്ടെത്താന് പ്രദേശത്ത് പോലീസ് തിരച്ചില് തുടരുകയാണ്.
സുഹൃത്തിനെക്കണ്ട് മടങ്ങുകയായിരുന്ന രാകേഷിനെ മൂന്നംഗസംഘം ആക്രമിക്കുകയായിരുന്നു. സുഹൃത്തിന്റെ മകള്ക്കും ഗുരുതരമായി പരിക്കേറ്റു. ഇവരെ ആശുപത്രിയില് പ്രവേശിപ്പിച്ചതായി പോലീസ് പറഞ്ഞു. സുരക്ഷാഭീഷണിയെത്തുടര്ന്ന് രാകേഷിന് പോലീസ് പ്രത്യേക സുരക്ഷ ഏര്പ്പെടുത്തിയിരുന്നു. എന്നാല്, സുരക്ഷാസേനാംഗങ്ങളെ കൂട്ടാതെയാണ് ഇദ്ദേഹം സുഹൃത്തിനെ കാണാന് പോയതെന്ന് പോലീസ് വക്താവ് പറഞ്ഞു. സംഭവത്തെ ജമ്മുകശ്മീര് ലഫ്റ്റനന്റ് ഗവര്ണര് മനോജ് സിന്ഹ അപലപിച്ചു
