തിരുവനന്തപുരം: ലക്ഷദ്വീപിനെതിരായ വ്യാജപ്രചാരണം ഏറ്റുപിടിക്കാത്തത്തില്‍ നടന്‍ മമ്മൂട്ടിയെ ലക്ഷ്യമിട്ട് മുസ്ലിം ലീഗും ഇടത് ജിഹാദികളും. സോഷ്യല്‍ മീഡിയയില്‍ മമ്മൂട്ടിക്കെതിരേ വ്യാപകമായ ക്യാംപെയ്ന്‍ ആരംഭിച്ചു കഴിഞ്ഞു. ഇടതു സഹയാത്രികനെന്ന് സ്വയം വിശേഷിപ്പിക്കുന്ന സംവിധായകന്‍ എം.എ. നിഷാദ് പരോക്ഷമായി മമ്മൂട്ടിയെ ഭീരുവെന്ന് വിശേഷിപ്പിച്ച് ഫേസ്ബുക്കില്‍ രംഗത്തെത്തി. ഇല്ല, അയാള്‍ വായ തുറിക്കില്ല, അയാള്‍ക്ക് ഒരു എല്ല് അധികവും ഇല്ല… കൂടുതല്‍ ഡെക്കറേഷന്‍ ഒന്നും വേണ്ട ഭീരു ആണെന്ന് സാരം- എന്നായിരുന്നു നിഷാദിന്റെ പോസ്റ്റ്. ഇതിനു താഴെ മമ്മൂട്ടിക്കെതിരായ കമന്റുമായി ജിഹാദികള്‍ രംഗത്തെത്തി.
ഇതിനു പിന്നാലെയാണ് മുസ്ലിം ലീഗിന്റെ വിദ്യാര്‍ത്ഥി സംഘടനയായ മുസ്ലിം സ്റ്റുഡന്റ് ഫെഡറേഷന്‍ ദേശീയ വൈസ് പ്രസിഡന്റ് ഫാത്തിമ തഹിലിയ ഫേസ്ബുക്ക് പോസ്റ്റുമായി എത്തിയത്.
മന്ത്രിയായിരുന്നപ്പോള്‍ വിശ്വാസപരമായ കാരണങ്ങളാല്‍ നിലവിളക്ക് കൊളുത്താതെ മാറി നിന്ന അബ്ദുറബ്ബ് സാഹിബിനെ വിമര്‍ശിക്കാന്‍ ശ്രീ. മമ്മൂട്ടിക്ക് വലിയ ഉത്സാഹമായിരുന്നു.
എന്നാല്‍ ലക്ഷദ്വീപില്‍ അങ്ങേയറ്റത്തെ മനുഷ്യത്വ വിരുദ്ധ നടപടികള്‍ അരങ്ങേറിയിട്ടും അതിനെതിരെ പ്രതികരിക്കാന്‍ മമ്മൂട്ടി ഒരു ഉത്സാഹവും കാണിക്കുന്നില്ല എന്നറിയുമ്പോള്‍ അത്ഭുതം തോന്നുന്നു എന്നായിരുന്നു പോസ്റ്റ്. ഇതിനു താഴെയും മമ്മൂട്ടിക്കെതിരേ രൂക്ഷ വിമര്‍ശനമാണ് ഉയരുന്നത്.
പ്രതികരിക്കാൻ ഇവിടെ എഴുതുക: