തിരുവനന്തപുരം: സ്വകാര്യ ആശുപത്രിയില് ചികിത്സയില് കഴിയുന്ന കെ.ആര്. ഗൗരിയമ്മയെ മുഖ്യമന്ത്രി പിണറായി വിജയന് സന്ദര്ശിച്ചു. ഗൗരിയമ്മയുടെ ആരോഗ്യ നില ഗുരുതരമായി തുടരുകയാണെന്ന് ആശുപത്രി അറിയിച്ചു. തീവ്ര പരിചരണ വിഭാഗത്തില് ചികിത്സ തുടരുക ആണെന്നാണ് ഒടുവില് പുറത്ത് ഇറക്കിയ മെഡിക്കല് ബുള്ളറ്റിന് വ്യക്തമാക്കിയത്. നിലവില് അണുബാധ നിയന്ത്രിക്കാനാണ് ഡോക്ടര്മാര് ശ്രമിക്കുന്നത്.
തിരുവനന്തപുരത്തെ സ്വകാര്യ ആശുപത്രിയില് വ്യാഴാഴ്ച നാലുമണിയോടെയാണ് ഗൗരിയമ്മയെ പ്രവേശിപ്പിച്ചത്. മൂത്രാശയ സംബന്ധമായ രോഗം, പനി, ശ്വാസംമുട്ടല് എന്നിവയുണ്ടായിരുന്നു. കോവിഡ് ഇല്ലെന്ന് പരിശോധനയില് സ്ഥിരീകരിച്ചിരുന്നു. 102 വയസുള്ള ഗൗരിയമ്മ രണ്ടാഴ്ചമുമ്പ് ആലപ്പുഴയില് നിന്ന് തിരുവനന്തപുരത്തെ ബന്ധുവീട്ടിലേക്ക് താമസം മാറ്റിയിരുന്നു.
