ഈരാറ്റുപേട്ട: വോട്ട് ചോദിക്കാനെത്തിയ ജനപക്ഷം സ്ഥാനാര്ഥിയും പൂഞ്ഞാര് എം.എല്.എയുമായ പി.സി ജോര്ജിനെ കൂക്കിവിളിച്ച് എസ്ഡിപിഐക്കാര്. ഈരാറ്റുപ്പേട്ട തീക്കോയി പഞ്ചായത്തില് പ്രചാരണത്തിന് എത്തിയപ്പോഴായിരുന്നു നാടകീയ സംഭവങ്ങള്.
എസ്ഡിപിഐക്കാരുടെ പെരുമാറ്റത്തില് രോഷാകുലനായ പി.സി ജോര്ജ് തിരിച്ച് തെറി വിളിച്ചാണ് മടങ്ങിയത്.പ്രതിഷേധിച്ചവരോട് പി.സി ജോര്ജ് പറഞ്ഞതിങ്ങനെ: ”നിങ്ങളില് സൗകര്യമുള്ളവര് എനിക്ക് വോട്ടുചെയ്യുക. ഇല്ലെങ്കിലും കുഴപ്പമില്ല. നിന്റെയൊക്കെ വീട്ടില് കാരണവന്മാര് ഇങ്ങനെയാണോ പഠിപ്പിച്ചത്. കാരണവന്മാര് നന്നായാലേ മക്കള് നന്നാകൂ. അതിനായി അല്ലാഹുവിനോട് പ്രാര്ഥിക്കാം. ഞാന് തെരഞ്ഞെടുപ്പ് കമ്മീഷനില് പരാതി കൊടുത്താല് നിങ്ങളൊക്കെ അകത്തുപോകും. ഞാന് ഈരാറ്റുപേട്ടയില് തന്നെ കാണും”. വീണ്ടും എസ്ഡിപിഐക്കാര് കൂകിയപ്പോള് പോയിനെടാ തെണ്ടികളേ, നിന്റെയൊക്കെ വോട്ടില്ലാതെ ജയിക്കാന് തനിക്കറിയാമെന്ന് വെല്ലുവിളിച്ചാണ് പിസി മടങ്ങിയത്. കഴിഞ്ഞ തവണ തനിച്ച് മത്സരിച്ച് വിജയിച്ച പി.സി ജോര്ജ് ഇത്തവണ ജനപക്ഷം എന്ന പാര്ട്ടി രൂപീകരിച്ചാണ് മത്സരം.
