തിരുവനന്തപുരം: അയോദ്ധ്യയിലെ രാമക്ഷേത്ര നിർമ്മാണത്തെ സംഭാവന നല്‍കി പിന്തുണച്ച് മെട്രോമാന്‍ ഇ. ശ്രീധരന്‍.
ഹിന്ദു ഐക്യവേദി സംസ്ഥാന ജനറൽ സെക്രട്ടറി ബ്രഹ്മചാരി ഭാർഗവ റാമിനാണ് അദ്ദേഹം ചെക്ക് കൈമാറിയത്. ഇ ശ്രീധരന്റെ വീട്ടില്‍ നടന്ന ചടങ്ങിലാണ് ഹിന്ദു ഐക്യവേദി പ്രവർത്തകർ സംഭാവന സ്വീകരിച്ചത്. കഴിഞ്ഞ മാസം മുതലാണ് സംസ്ഥാനത്ത് ശ്രീരാം മന്ദിർ നിധി സമർപ്പൺ ആരംഭിച്ചത്.
കഴിഞ്ഞ ദിവസം കേരളാ ഗവർണർ ആരിഫ് മുഹമ്മദ് ഖാനും നിധി സമർപ്പണിൽ പങ്കാളിയായി. കേരളത്തിലെ ഗ്രാമങ്ങളിൽ നിന്നുൾപ്പെടെ എല്ലാ വീടുകളിൽ നിന്നും രാമക്ഷേത്ര നിർമ്മാണത്തിനായി ധനസമാഹരണം നടത്തുന്നുണ്ട്
