തിരുവനന്തപുരം: പൊന്നാനി സ്വദേശി നാസ് അബ്ദുള്ള എന്ന നാസര് സ്പീക്കര് ശ്രീരാമകൃഷ്ണന് നല്കിയ സിം കാര്ഡിന്റെ വിശദാംശങ്ങള് അറിയാന് കസ്റ്റംസ്. ഈ സംഭവവുമായി ബന്ധപ്പെട്ട് നാസ് അബ്ദുള്ള എന്ന നാസറിനെ വ്യാഴാഴ്ച രാവിലെ മുതല് ചോദ്യം ചെയ്യുകയാണ്.
വ്യാഴാഴ്ച പത്ത് മണിക്ക് ഹാജരാവാന് നോട്ടീസ് നല്കിയെങ്കിലും നാസര് ഒന്പത് മണിക്ക് തന്നെ കസ്റ്റംസ് ഓഫീസില് എത്തി. അഭിഭാഷകനുമായി ചര്ച്ച ചെയ്ത ശേഷമാണ് നാസര് എത്തിയതെന്നറിയുന്നു.
62388 30969 എന്ന സിം കാര്ഡാണ് സ്പീക്കര്ക്ക് നാസര് കൈമാറിയത്.അതുവരെ പ്രവര്ത്തനക്ഷമമായ സിം കാര്ഡ് സ്വര്ണ്ണക്കടത്ത് വാര്ത്തകള് പുറത്തുവന്നതോടെ ജുലൈ മാസത്തിന് ശേഷം സ്വിച്ച് ഓഫ് ആണെന്ന കണ്ടെത്തല് കൗതുകം ജനിപ്പിക്കുന്നു. നാസര് സ്പീക്കര് ശ്രീരാമകൃഷ്ണന്റെ മാത്രമല്ല, മന്ത്രി കെ.ടി. ജലീലിന്റെ കൂടി അടുത്ത സുഹൃത്താണ്.
