ലാഹോര്: പാകിസ്ഥാന് ക്രിക്കറ്റ് ടീം ക്യാപ്റ്റന് ബാബര് അസമിനെതിരെ ബലാത്സംഗത്തിന് കേസ്. ലാഹോര് സ്വദേശിനിയായ യുവതി നല്കിയ ലൈംഗിക പീഡന പരാതിയുടെ അടിസ്ഥാനത്തില് സെഷന്സ് കോടതിയാണ് എഫ്ഐആര് രജിസ്റ്റര് ചെയ്ത് കേസെടുക്കാന് ഉത്തരവിട്ടത്.
വിവാഹവാഗ്ദാനം നല്കി ലൈംഗികമായി ചൂഷണം ചെയ്തു എന്നു കാട്ടിയാണ് യുവതി പരാതി നല്കിയത്. പലയിടങ്ങളിലായി താമസിപ്പിച്ച് പീഡിപ്പിച്ചു എന്നും നിര്ബന്ധിത ഗര്ഭച്ഛിദ്രത്തിന് വിധേയയാക്കിയെന്നും ആരോപിച്ചിരുന്നു. തെളിവിനായി മെഡിക്കല് രേഖകളും ഇവര് ഹാജരാക്കിയിരുന്നു. ഹര്ജിയില് ഇരുകൂട്ടരുടെയും വാദം കേട്ട സെഷന്സ് ജഡ്ജ് നൗമാന് മുഹമ്മദ് നയീം ക്രിക്കറ്റ് താരത്തിനെതിരെ അടിയന്തിരമായ കേസ് രജിസ്റ്റര് ചെയ്യാന് നിര്ദേശിക്കുകയായിരുന്നു. നസീര്ബാദ് പൊലീസ് സ്റ്റേഷന് എസ്എച്ച്ഒയ്ക്കാണ് നിര്ദേശം. ബാബറിനെതിരായ ആരോപണങ്ങള് ഗുരുതരമാണെന്നും വിശദമായ അന്വേഷണം വേണ്ടതാണെന്നും ജഡ്ജി നിരീക്ഷിച്ചു.
