തിരുവനന്തപുരം: കെഎസ്ആര്ടിസി റെഫറണ്ടത്തില് ബിഎംഎസിന്റെ ഉജ്ജ്വല വിജത്തിന് ആശംസയുമായി ബിജെപി സംസ്ഥാന അധ്യക്ഷന് കെ.സുരേന്ദ്രന്. ബിഎംഎസ് നേടിയ ഉജ്ജ്വലവിജയം അഭിമാനകരമാണെന്ന് അദേഹം പ്രതികരിച്ചു.
ബിഎംഎസ് നേടിയ ഉജ്ജ്വലവിജയം അഭിമാനകരമാണ്. സിഐടിയുവും ഐഎന്ടിയുസിയും തകരുന്നതും ശ്രദ്ധേയമാണ്. ആശംസകള്… സുരേന്ദ്രന് ഫേസ്ബുക്കില് കുറിച്ചു.
ചരിത്രത്തില് ആദ്യമായാണ് ബിഎംഎസ് നേതൃത്വം നല്കുന്ന കെഎസ്ടി എംപ്ലോയീസ് സംഘ് കെഎസ്ആര്ടിസിയിലെ അംഗീകൃത യൂണിയന് ആയി തെരഞ്ഞെടുക്കപ്പെടുന്നത്. മുന്പ് സിഐടിയു ,ടിഡിഎഫിനും മാത്രമാണ് അംഗീകരാം ഉണ്ടായിരുന്നത്. 8 ശതമാനത്തില് നിന്നാണ് ബിഎംഎസ് 18 ശതമാനത്തിലേക്ക് വോട്ട് നില മെച്ചപ്പെടുത്തിയത്. സിഐടിയുവിന് 14 ശതമാനം വോട്ട് ചോര്ച്ചയുണ്ടായി.
