കണ്ണൂര്: മുഴക്കുന്ന് പഞ്ചായത്തില്നിന്ന് ബാഗിലും ബക്കറ്റിലുമായി സൂക്ഷിച്ച നിലയില് ആറ് ബോംബുകള് പിടികൂടി. നെല്യാട്, വട്ടപ്പോയില് മേഖലയില്നിന്നാണ് ബോംബുകള് കണ്ടെടുത്തത്. ജില്ലാ പൊലീസ് മേധാവി യതീഷ് ചന്ദ്ര സംഭവസ്ഥലത്തേക്ക് തിരിച്ചു. നാദാപുരം ചീയൂര് ആറ്, ഏഴ് വാര്ഡുകളിലെ നാലു ബൂത്തുകളില് സംഘര്ഷമുണ്ടായി.
യുഡിഎഫ് പ്രവര്ത്തകരും പൊലീസും തമ്മില് ഏറ്റുമുട്ടി. നാലുപേര്ക്ക് പരിക്കേറ്റു. ആളുകള് കൂട്ടം കൂടിയത് പൊലീസ് തടഞ്ഞു. പൊലീസ് ആണ് പ്രകോപനമുണ്ടാക്കിയതെന്ന് യുഡിഎഫ് പ്രവര്ത്തകര് ആരോപിച്ചു. രണ്ടു പോലീസ് വാഹനങ്ങള്ക്ക് കേടുപാട് പറ്റി. പൊലീസ് കണ്ണീര്വാതകം പ്രയോഗിച്ചു.
