യോദ്ധ എന്ന സിനിമയിലൂടെ മലയാളി പ്രേക്ഷകരുടെ പ്രിയങ്കരിയായി മാറിയ ചലച്ചിത്രതാരം മധുബാല വീണ്ടും മലയാള ചിത്രത്തില് പ്രത്യക്ഷപ്പെടുന്നു.
വികൃതി എന്ന ഹിറ്റ് ചിത്രത്തിനു ശേഷം അന്ന ബെന്, അര്ജ്ജുന് അശോകന് എന്നിവരെ പ്രധാന കഥാപാത്രങ്ങളാക്കി എം.സി. ജോസഫ് തിരക്കഥയെഴുതി സംവിധാനം ചെയ്യുന്ന എന്നിട്ട് അവസാനം എന്ന ചിത്രത്തിലാണ് മധുബാല വീണ്ടും അഭിനയിക്കാന് എത്തുന്നത്. ഈ ചിത്രത്തിന്റെ ഫസ്റ്റ് ലുക്ക് പോസ്റ്റര് ഫഹദ് ഫാസില്, ടോവിനോ തോമസ് എന്നിവര് തങ്ങളുടെ ഫേസ് ബുക്കിലൂടെ പുറത്തിറക്കി.
എജെജെ സിനിമാസിന്റെ ബാനറില് അനന്ത് ജയരാജ് ജൂനിയര്, ജോബിന് ജോയി എന്നിവര് ചേര്ന്ന് നിര്മിക്കുന്ന ഈ ചിത്രത്തിന്റെ ഛായാഗ്രഹണം അപ്പു പ്രഭാകര് നിര്വ്വഹിക്കുന്നു. എക്സിക്യൂട്ടീവ് പ്രൊഡ്യുസര്-സുകുമാര് തെക്കെപ്പാട്ട്, പ്രൊഡക്ഷന് കണ്ട്രോളര്-പ്രവീണ് ബി മേനോന്, എഡിറ്റര്-സൂരജ് ഇ.എസ്, സംഗീതം-സുഷിന് ശ്യാം, കല-ഗോകുല് ദാസ്, മേക്കപ്പ്-രഞ്ജിത്ത് അമ്പാടി, വസ്ത്രാലങ്കാരം-സമീറ സനീഷ്.
