സിനിമയില് പിടിമുറുക്കിയിരിക്കുന്ന മയക്കുമരുന്ന് മാഫിയക്കെതിരെയുള്ള ധീരമായുള്ള പോരാട്ടത്തിലാണ് കങ്കണ റണാവത്ത്. സുശാന്തിന്റെ മരണത്തെ തുടര്ന്ന് കങ്കണ ഒറ്റയ്ക്ക് നടത്തിയ പോരാട്ടവും വെളിപ്പെടുത്തലുമാണ് മയക്കുമരുന്ന് മാഫിയയെ തുറന്നു കാട്ടിയത്. തുടര്ന്ന് കേസ് സിബിഐ ഏറ്റെടുക്കുയയും റിയയുടെ അറസ്റ്റില് വരെ എത്തുകയും ചെയ്തു. ഇതിനിടെ കങ്കണയ്ക്ക് ഒരുപാട് വ്യക്തിപരമായ നഷ്ടങ്ങള് ഉണ്ടായി. ശിവസേന സര്ക്കാരുമായി നടത്തിയ ഏറ്റുമുട്ടലില് അവരുടെ ഓഫീസ് വരെ തകര്ത്തു.
ഇതേ തുടര്ന്ന് കങ്കണയ്ക്ക് സിനിമാ ലോകത്തിനകത്തും പുറത്തുനിന്നും വലിയ പിന്തുണയാണ് ലഭിച്ചത്. കങ്കണയുടെ ഓഫീസ് കെട്ടിടം പൊളിച്ചു നീക്കിയതിനെതിരെ മലയാള സിനിമ നടി അഹാന കൃഷ്ണയും രംഗത്തെത്തിയിട്ടുണ്ട്.
കെട്ടിടം പൊളിച്ചുനീക്കുന്ന ഭാഗത്തേക്ക് കടക്കാന് ശ്രമിക്കുന്ന മാധ്യമപ്രവര്ത്തകന്റെ ചിത്രം പങ്കുവെച്ചുകൊണ്ടായിരുന്നു അഹാനയുടെ പ്രതികരണം. ദൗര്ഭാഗ്യകരമായ ഈ അവസ്ഥയുണ്ടാകുന്നത് നിങ്ങള്ക്കാണെങ്കിലോ എന്ന് ചിന്തിക്കൂ എന്ന് ഇന്സ്റ്റഗ്രാം സ്റ്റാറ്റസില് അഹാന ചോദിച്ചു.
‘മീഡിയ…. ശാന്തരാവുക, കങ്കണയുടെ പൊളിച്ചുമാറ്റിയ കെട്ടിടത്തിനകത്ത് എന്താണെന്ന് നമ്മള് കാണേണ്ടതില്ല. ഇത്തരത്തില് ദൗര്ഭാഗ്യകരമായ ഒരു കാര്യം സംഭവിക്കുമ്പോള്, അത് നിങ്ങളുടെ വീടായിരുന്നെങ്കിലോ എന്ന് ചിന്തിക്കൂ. അന്യായമായി നിങ്ങളുടെ വീടിന്റെ ഒരു ഭാഗം പൊളിക്കപ്പെടുമ്പോള് വീട്ടിലേക്ക് ആളുകള് തള്ളിക്കയറുന്നത് നിങ്ങള്ക്ക് ഇഷ്മാപ്പെടുമോ?’ അഹാന ചോദിക്കുന്നു.
അതേസമയം, കങ്കണയുടെ ഓഫീസിനും വസതിക്കും പുറത്ത് ഇന്നും കനത്ത സുരക്ഷയാണ് ഒരുക്കിയിരിക്കുന്നത്. സഹോദരി രംഗോലി ചന്ദേലും കങ്കണയും ഇപ്പോള് മുംബൈയിലെ വസതിയിലാണുള്ളത്. കങ്കണയുടെ നിലപാടുകള്ക്ക് പിന്തുണ പ്രഖ്യാപിച്ചും ശിവസേനയെ വെല്ലുവിളിച്ചും കര്ണിസേന മുംബൈയില് ഇന്നും പ്രകടനം നടത്തിയിരുന്നു. വസായിയിലാണ് അവര് പ്രകടനം നടത്തിയത്.
