ന്യൂദല്‍ഹി: ചതയ ദിനത്തില്‍ ശ്രീനാരായണ ഗുരുവിന് പ്രണാമം അര്‍പ്പിച്ച് പ്രധാനമന്ത്രി നരേന്ദ്രമോദി. ആരാധ്യനായ ശ്രീനാരായണഗുരുവിനു അദ്ദേഹത്തിന്റെ ജയന്തിയില്‍ താന്‍ പ്രണാമങ്ങള്‍ അര്‍പ്പിക്കുന്നതായി അദേഹം ട്വിറ്റ് ചെയ്തു. ആത്മീയതയുടെയും സാമൂഹികപരിഷ്‌കരണത്തിന്റെയും സമന്വയത്തിന്റെ മികച്ച ഉദാഹരണമാണ് അദ്ദേഹത്തിന്റെ ജീവിതവും കൃതികളുമെന്ന് മലയാളത്തില്‍ തയ്യാറാക്കിയ ട്വീറ്റില്‍ പ്രധാനമന്ത്രി പറഞ്ഞു.
സ്ത്രീകളുടെ വിദ്യാഭ്യാസത്തിനും ശാക്തീകരണത്തിനും അദ്ദേഹം മുന്‍ഗണന നല്‍കി. ക്രാന്തദര്‍ശിയായ ആ ദാര്‍ശനികന്റെ ആദര്‍ശങ്ങള്‍ ഇന്ത്യയിലുടനീളം അനേകര്‍ക്ക് കരുത്തു പകരുന്നു. മോദി ട്വീറ്റ് ചെയ്തു.
ശിവഗിരി മഠത്തില്‍ സന്ദര്‍ശനം നടത്തിയപ്പോളുള്ള ചിത്രത്തിനൊപ്പമായിരുന്നു മോദിയുടെ ട്വീറ്റുകള്‍. കേന്ദ്ര ആഭ്യന്ത്ര മന്ത്രി അമിത് ഷാ ഉള്‍പ്പെടെ ചതയദിനം ആശംസിച്ചുകൊണ്ട് ട്വീറ്റ് ചെയ്തു.
