ചെന്നൈ: ഫിഡേ ഓണ്ലൈന് ചെസ് ഒളിമ്പ്യാഡ് ഇന്ന് മുതല് ആഗസ്റ്റ് 30 വരെ നടക്കും. ലോക മൂന്നാം നമ്പര് ഡിങ് ലീറന്, ഇന്ത്യയുടെ വിശ്വനാഥന് ആനന്ദ് തുടങ്ങിയ പ്രമുഖര് മത്സരിക്കും.
ഇതാദ്യമായാണ് ഓണ്ലൈന് ഒളിമ്പ്യാഡ് നടത്തുന്നത്. 163 രാജ്യങ്ങളില് നിന്നുള്ള കളിക്കാര് പങ്കെടുക്കും. റഷ്യയാണ് ഒന്നാം റാങ്ക് ടീം, ചൈന, അമേരിക്ക, അര്മേനിയ, ഉക്രെയ്ന് എന്നിവയാണ് യഥാക്രമം രണ്ട്, മൂന്ന്, നാല്, അഞ്ച് റാങ്കുകളില്. വിദിത് സന്തോഷ് ഗുജറാത്തി നയിക്കുന്ന ഇന്ത്യന് ടീം ഏഴാം സീഡാണ്. റഷ്യ, ചൈന, അമേരിക്ക, ഉക്രെയ്ന്, എന്നിവയ്ക്കൊപ്പം ഇന്ത്യ ടോപ്പ് ഡിവിഷനിലാണ് മത്സരിക്കുക.
