സിനിമ എന്ന മായിക ലോകത്ത് ആരും ശ്രദ്ധിക്കാതെ പോകുന്ന സഹസംവിധായകരുടെ ജീവിത കഥ പറയുകയാണ് ദി ഡയറക്ടര് എന്ന ചിത്രം. ശ്രീകാന്ത് പങ്കപ്പാട്ട് രചനയും സംവിധാനവും നിര്വ്വഹിക്കുന്ന ഈ ഹ്രസ്വചിത്രത്തിന്റെ ചിത്രീകരണം പൂര്ത്തിയായി. യുറ്റിയൂബില് റിലീസ് ചെയ്ത ചിത്രം വൈറലായി കഴിഞ്ഞു.
ബാബുരാജ് എന്ന സഹസംവിധായകന്റെ സംവിധായക പദവി എന്ന സ്വപ്നത്തിലേക്കുള്ള യാത്രയുടെ സങ്കീര്ണതകള് ചിത്രം കുറഞ്ഞ സമയം കൊണ്ട് പറഞ്ഞുവയ്ക്കുന്നു. സംവിധായകന് ശ്രീകാന്ത് പങ്കപ്പാട്ട് തന്നെയാണ് ബാബുരാജിനെ അവതരിപ്പിച്ചത്. രചന, സംവിധാനം-ശ്രീകാന്ത് പങ്കപ്പാട്, ക്യാമറ-അനൂപ് ജോസഫ്, സംഗീതം-ജയന് ശ്രീധര്, പ്രൊഡക്ഷന് ഡിസൈനര്-സിറിന് കുരുവിള, അസോസിയേറ്റ് ഡയറക്ടര്-റെക്സി രാജീവ് ചാക്കോ.
