തൊടുപുഴ: സ്വര്ണ്ണ കള്ളക്കടത്തില് മുഖ്യമന്ത്രി രാജിവെച്ച് അന്വേഷണം നേരിടണമെന്ന് ആവശ്യപ്പെട്ട് പ്രതിഷേധ ധര്ണ സംഘടിപ്പിച്ചു. ഇന്നലെ രാവിലെ കുമാരമംഗലം വില്ലേജ് ഓഫീസിന് മുന്പില് ബിജെപി കുമാരമംഗലം പഞ്ചായത്ത് സമിതിയുടെ നേതൃത്വത്തില് ആയിരുന്നു സമരം. ബിജെപി നിയോജക മണ്ഡലം പ്രസിഡന്റ് പ്രസാദ് വണ്ണപ്പുറം ഉദ്ഘാടനം ചെയ്തു.
പാര്ട്ടി പഞ്ചായത്ത് പ്രസിഡന്റ് രമേശ് ബാബു അധ്യക്ഷനായി. അധോലോക മാഫിയ സംഘങ്ങളുടെ കേന്ദ്രമായി ക്ലിഫ്ഹൗസ് മാറ്റിയ മുഖ്യമന്ത്രി രാജിവെക്കുന്നതു വരെ ശക്തമായ സമര പരിപാടികളുമായി മുന്നോട്ട് പോകുമെന്ന് പ്രസാദ് വണ്ണപ്പുറം പറഞ്ഞു. ബിജെപി ജില്ലാ ഓഫീസ് സെക്രട്ടറി സനല് പുരുഷോത്തമന്, പഞ്ചായത്ത് സെക്രട്ടറി രാജേഷ്, പഞ്ചായത്ത് സമിതി അംഗം ബിജു, യുവമോര്ച്ച പഞ്ചായത്ത് പ്രസിഡന്റ് പി.ആര്. അരുണ്, ജനറല് സെക്രട്ടറി അഖില് ലാല്സന് എന്നിവര് പങ്കെടുത്തു.
