മുഖത്തല: കണ്ണനല്ലൂര് ധര്മശാസ്താ ക്ഷേത്രഭൂമിയുടെ അതിര്ത്തി നിര്ണ്ണയിക്കുന്നതിനായി കളക്ടറുടെ നിര്ദ്ദേശപ്രകാരം തഹസീല്ദാര്, സര്വെയര് എന്നിവരുടെ നേതൃത്വത്തില് ഇന്നലെ ഭൂമി അളന്ന് തിട്ടപ്പെടുന്ന നടപടികള് ആരംഭിച്ചു.
ക്ഷേത്രഭൂമിയുമായി ബന്ധപ്പെട്ട് തൃക്കോവില്വട്ടം പഞ്ചായത്ത് എതിര്പ്പുമായി വന്നതോടെയാണ് ഈ നടപടിയുണ്ടായത്. ചാത്തന്നൂര് എസിപിയുടെ നേതൃത്വത്തില് വന് പോലീസ് സംഘവും സ്ഥലത്തെത്തിയിരുന്നു.
വര്ഗീയ സംഘര്ഷമുണ്ടാക്കുമെന്ന ഭീതി പരത്തിയാണ് ക്ഷേത്രത്തിന്റെ നടപടികള് പഞ്ചായത്ത് തടഞ്ഞത്. മന്ത്രി മേഴ്സിക്കുട്ടിയമ്മയുടെ നിര്ദ്ദേശപ്രകാരം തൃക്കോവില്വട്ടം പഞ്ചായത്ത് സെക്രട്ടറിയുടെ നേതൃത്വത്തില് എത്തിയ ഉദ്യോഗസ്ഥര് ധര്മശാസ്താക്ഷേത്രഭൂമിയില് പഞ്ചായത്തിന്റെ അനുമതിയില്ലാതെ നിര്മാണപ്രവര്ത്തനം ആരംഭിച്ചെന്നുകാട്ടിയാണ് നാലുദിവസം മുമ്പ് വേലികെട്ടല് തടഞ്ഞത്.
