വെളിയം: വെളിയം പഞ്ചായത്തിലെ മാലയില് മറവന്കോട്ടെ മിച്ചഭൂമി ബിജെപി ജില്ലാ പ്രസിഡന്റിന്റെ നേതൃത്വത്തില് നേതാക്കള് സന്ദര്ശിച്ചു. സിപിഐയുടെ പ്രാദേശികനേതാക്കളുടെ നേതൃത്വത്തിലാണ് സര്ക്കാര്വക റവന്യൂ ഭൂമിയില് നിന്നും പല തരത്തിലുള്ള വൃക്ഷങ്ങള് വെട്ടി മുറിച്ചുകടത്താന് ശ്രമിച്ചത്.
കുറ്റവാളികളെ നിയമത്തിനു മുന്നില് എത്തിക്കുംവരെ ശക്തമായ സമരവുമായി മുന്നോട്ടു പോകുമെന്ന് ബി.ബി. ഗോപകുമാര് പറഞ്ഞു. കൊട്ടാരക്കര മണ്ഡലം പ്രസിഡന്റ് അഡ്വ. വയയ്ക്കല് സോമന്, മേഖല സമിതി പ്രസിഡന്റുമാരായ സുധാകരന് പരുത്തിയറ, രഞ്ജിത്, ജില്ലാ വൈസ് പ്രസിഡന്റ് രാജേശ്വരി രാജേന്ദ്രന്, പഞ്ചായത്ത് സമിതി ജനറല് സെക്രട്ടറിമാരായ മുരളി മാവിള, സാബു ഓടനാവട്ടം, വൈസ്പ്രസിഡന്റ് മനു, വെളിയം മണ്ഡലം കമ്മറ്റി അംഗം മാലേത് ശ്യംകുമാര് എന്നിവരാണ് സ്ഥലം ബി.ബി. ഗോപകുമാറിനൊപ്പം സ്ഥലം സന്ദര്ശിച്ചത്.
