ലണ്ടന്‍: ക്യാപ്റ്റന്‍സി തന്റെ ശൈലി മാറ്റില്ലെന്ന് ഇംഗ്ലണ്ട് ഓള്‍ റൗണ്ടര്‍ ബെന്‍സ്‌റ്റോക്‌സ്. വിന്‍ഡീസിനെതിരായ ആദ്യ ടെസ്റ്റില്‍ ജോ റൂട്ടിന് പകരം ബെന്‍സ്‌റ്റോക്‌സാണ് ഇംഗ്ലണ്ടിനെ നയിക്കുക. രണ്ടാമത്തെ കുട്ടിയുടെ ജനനവുമായി ബന്ധപ്പെട്ടാണ് ജോ റൂട്ട് ആദ്യ ടെസ്റ്റില്‍ നിന്ന്് മാറി നില്‍ക്കുന്നത്.
ക്യാപ്റ്റനായതിനാല്‍ ഉത്തരവാദിത്വം കൂടും. തീരുമാനം എടുക്കു ന്നതില്‍ സമ്മര്‍ദ്ദവും ഉണ്ടാകും. എന്നാല്‍ മത്സരത്തോടുള്ള തന്റെ സമീപനത്തില്‍ ഒരു മാറ്റവും ഉണ്ടാകില്ലെന്ന്് ബെന്‍സ്‌റ്റോക്‌സ് വ്യക്തമാക്കി.
ഒരു തവണയാണെങ്കില്‍ കൂടി ഇംഗ്ലണ്ടിന്റെ ക്യാപ്റ്റനാകുന്നത് ഒരു ബഹുമതിയാണ്. അതിനാല്‍ ക്യാപ്റ്റനാകാന്‍ ലഭിച്ച അവസരം മുതലാക്കാനുളള ഒരുക്കത്തിലാണെന്ന്് ബെന്‍സ്‌റ്റോക്‌സ് വെളിപ്പെടുത്തി.
കൊറോണ വ്യാപനം തുടരുന്ന സാഹചര്യത്തില്‍ ശക്തമായ നിയന്ത്രണങ്ങളോടെയാണ് വിന്‍ഡീസ് -ഇംഗ്ലണ്ട് പരമ്പര നടത്തുന്നത്. എല്ലാ മത്സരങ്ങളും അടച്ചിട്ട സ്‌റ്റേഡിയത്തിലാണ് നടക്കുക. മൂന്ന് ടെസ്റ്റുകളാണ് പരമ്പരയിലുള്ളത്. ആദ്യ ടെസ്റ്റ് ഈ മാസം എട്ടിന് സതാംപ്റ്റണില്‍ ആരംഭിക്കും. രണ്ടും മൂന്നും ടെസ്റ്റുകള്‍ മാഞ്ചസ്റ്റിലാണ്. രണ്ടാം ടെസ്റ്റ് പതിനാറിനുംമൂന്നാം ടെസ്റ്റ് ഇരുപത്തിനാലിനും ആരംഭിക്കും.
