ഈശ്വരേച്ഛയെ പൂര്ണ്ണശരണാഗതിയോടെ അംഗീകരിച്ച ഒരുവന്, സദാപി സന്തുഷ്ടനും,സംതൃപ്തനും,പ്രസന്നനും,സമചിത്തനുമായിരിക്കും. ഏറ്റവും വലിയ വിപത്തിനുപോലും അയാളെ ചഞ്ചലചിത്തനാക്കാന് സാദ്ധ്യമല്ല. ഈശ്വരന് നല്കുന്നതെന്തും, തന്റെ നന്മക്കുമാത്രമായിരിക്കും എന്ന വിശ്വാസം അയാളില് രൂഢമൂലമായിരിക്കും. നിങ്ങളുടെ ഇച്ഛ ഈശ്വരേച്ഛയില് വിലയംകൊള്ളുമ്പോള് എല്ലാ സംഭവങ്ങളിലും ഈശ്വരഹസ്തം നിങ്ങള് ദര്ശിക്കാന് ആരംഭിക്കും. നിങ്ങളില്തന്നെ ഈശ്വരസാന്നിദ്ധ്യം അനുഭവപ്പെടും. വേദനയും ദുരിതവുംപോലും നിങ്ങള്ക്ക് ആനന്ദവും സംതൃപ്തിയുമായി പരിണമിക്കും. ശരണാഗതി അത്രമാത്രം അത്ഭുതകരമായ ഒരു അവസ്ഥയാണ്.
സ്വന്തമായ ഇച്ഛകളൊന്നുമില്ലാത്ത ഭക്തന് വിധിയുടെ നിര്ണയത്തേയും സ്വന്തം ഇഷ്ടത്തേയും തിരിച്ചറിയുന്നില്ല. ഈശ്വരനൊഴികെ മറ്റൊരു കര്ത്തൃത്വോപാധിയുംഅയാള് കാണുന്നില്ല. എവിടെയും-ജയത്തിലും പരാജയത്തിലും,രോഗത്തിലും,ആരോഗ്യത്തിലും, ജനനത്തിലും മരണത്തിലും, യോഗത്തിലും വിയോഗത്തിലും, സൃഷ്ടിയിലും സംഹാരത്തിലും-അയാള് ഈശ്വരന്റെ ലീലാവിലാസങ്ങള് മാത്രമേ ദര്ശിക്കുകയുള്ളു. അയാള്ക്ക് ആരുടെ പേരിലും എന്തിന്റെ പേരിലും പരാതി ഇല്ല. സഹജീവികളുടെ പേരിലോ,ജ്യോതിര്ഗോളങ്ങളോടോ,അമാനുഷിക ശക്തികളോടോ,വിധിയോടോ,കര്മ്മനിയമങ്ങളോടോ, ഈശ്വരനോടു തന്നെയോ അയാള്ക്കു പരാതി ഉണ്ടായിരിക്കില്ല.
ശ്രീരമാദേവിമാതാവിന്റെ വചനങ്ങള്
(സമ്പാ: കെ.എന്.കെ.നമ്പൂതിരി)
