കൊച്ചി: സിപിഎം എംഎല്‍എയ്‌ക്ക് കടം വീട്ടാന്‍ ലക്ഷങ്ങള്‍ നല്‍കി ദുരിതാശ്വാസ ഫണ്ട് ദുരുപയോഗം ചെയ്ത ചരിത്രം പിണറായി സര്‍ക്കാരിനുണ്ടെന്നും അതുകൊണ്ട് തന്നെ സര്‍ക്കാരിനോട് കണക്ക് ചോദിക്കുന്നതില്‍ തെറ്റെന്താണെന്നും കെ.എം. ഷാജി എംഎല്‍എ.
പിണറായി വിജയന് മഴുവെറിഞ്ഞ് ഉണ്ടാക്കിയതല്ല കേരളമെന്നും അദ്ദേഹം പറഞ്ഞു. പിണറായിയുടെ വിമര്‍ശനത്തിന് മറുപടി നല്‍കുമ്പോഴായിരുന്നു കെ.എം. ഷാജിയുടെ പ്രസ്താവന.
സഹായം നല്‍കിയവര്‍ക്ക് കണക്ക് അറിയാന്‍ അവകാശം ഉണ്ട്. വികൃത മനസ് ആര്‍ക്കാണെന്ന് ജനം തീരുമാനിക്കട്ടെയെന്ന് കെഎം ഷാജി വ്യക്തമാക്കി. ശമ്പളമില്ലാത്ത എംഎല്‍എ ആയിരുന്നിട്ടും ദുരിതാശ്വാസനിധിയിലേക്ക് പണം നല്‍കി. കണക്കു ചോദിക്കുന്നതില്‍ എന്താണ് തെറ്റെന്നും കെ.എം. ഷാജി ചോദിച്ചു.
