അങ്കമാലിയില്‍ ഓട്ടോ റിക്ഷയും ബസും കൂട്ടിയിടിച്ച് നാല് മരണം; മൃതദേഹങ്ങള്‍ പുറത്തെടുത്തത് ഓട്ടോ വെട്ടിപൊളിച്ച്

കൊച്ചി: അങ്കമാലിയില്‍ സ്വകാര്യ ബസ്സും ഓട്ടോയും കൂട്ടിയിടിച്ചു നാല് മരണം. ഓട്ടോ ഡ്രൈവറും  യാത്രക്കാരായ മൂന്ന് സ്ത്രീകളുമാണ് മരിച്ചത്. അങ്കമാലി ബാങ്ക് കവലയില്‍ വച്ച് രാവിലെ 7:30ഓടെയാണ് അപകടമുണ്ടായത്.

ഇടിയുടെ ആഘാതത്തില്‍ തല്‍ക്ഷണം മരണം സംഭവിക്കുകയായിരുന്നു. ബസിനടിയില്‍ പെട്ട് പൂര്‍ണമായി തകര്‍ന്ന ഓട്ടോ വെട്ടിപ്പൊളിച്ചാണ് ആളുകളെ പുറത്തെടുത്തത്. ബസ് യാത്രക്കാര്‍ക്കാര്‍ക്ക് പരിക്കുകളില്ല.

മൃതദേഹങ്ങള്‍ അങ്കമാലി ഗവണ്‍മെന്റ് ആശുപത്രിയിലേക്ക് മാറ്റിയിരിക്കുകയാണ്. ഓട്ടോ ഡ്രൈവര്‍ മങ്ങാട്ട് കര ജോസഫ്, യാത്രക്കാരി മേരി മത്തായി എന്നിവരാണ് മരിച്ചത്. മറ്റ് രണ്ട് പേരുടെ പേര് വിവരങ്ങള്‍ ലഭ്യമായിട്ടില്ല.