തിരുവനന്തപുരം: അയോധ്യ വിധിയുടെ പശ്ചാത്തലത്തില് സംഘര്ഷപരമായ പോസ്റ്റ് ഇടുന്നവരെ ജാമ്യമില്ലാ വകുപ്പ് ചുമത്തി അറസ്റ്റ് ചെയ്യുമെന്ന കേരള പോലീസിന്റെ മുന്നറിയിപ്പ് ഉണ്ടായിരിക്കെ മതസ്പര്ദ്ദ ഉണ്ടാക്കുന്ന തരത്തില് ഫേസ്ബുക്കില് പരമാര്ശം നടത്തിയ എം. സ്വരാജ് എംഎല്എയ്ക്കെതിരേ പ്രതിഷേധം ശക്തമാകുന്നു. സ്വരാജിനെതിരേ കേസ് എടുക്കണമെന്ന് ആവശ്യപ്പെട്ട് യുവമോര്ച്ചയ്ക്കു വേണ്ടി പ്രസിഡന്റ് അഡ്വ. പ്രകാശ് ബാബു പോലീസ് മേധാവിക്ക് പരാതി നല്കി. സ്വരാജിന്റെ ഫേസ്ബുക്ക് പേജിന്റെ സ്ക്രീന്ഷോട്ട് ഉള്പ്പെടെയാണു പരാതി നകിയത്. രാജ്യത്തിന്റെ മതേതര ജനാധിപത്യ സങ്കല്പങ്ങള് ഉയര്ത്തിപ്പിടിച്ചതും പരമോന്നത നീതിന്യായ കോടതിയെ ലോകം മുഴുവന് വിശ്വാസത്തിലെടുത്ത വിധിയായിരുന്നല്ലോ ബഹുമാനപ്പെട്ട സുപ്രീം കോടതിയുടെ ഭരണഘടന ബെഞ്ച് അയോധ്യക്കേസുമായി ബന്ധപ്പെട്ട പുറപ്പെടുവിച്ചിട്ടുള്ളത്.
വിധിയുമായി ബന്ധപ്പെട്ട് പൊതുജനങ്ങള്ക്കോ ഏതെങ്കിലും മതവിഭാഗള്ക്കിടയിലോ ആശങ്കയ്ക്ക് ഇടയാക്കുന്നതോ വിദ്വേഷങ്ങള് പരത്തുന്നതോ സുപ്രീം കോടതിയെ വിശ്വാസത്തില് എടുക്കാത്തതുമായ യാതൊരു പരാമര്ശങ്ങളും ഉണ്ടാകരുതെന്ന് ബഹുമാനപ്പെട്ട സുപ്രീം കോടതിയും പ്രധാനമന്ത്രിയും മുഖ്യമന്ത്രിയും ഡിജിപിയും മുന്കൂട്ടി അറിയിച്ചതാണ്. അത്തരം പരാമര്ശങ്ങള് സമൂഹമാധ്യമങ്ങള് വഴിയോ മറ്റോ ആരു തന്നെ നടത്തിയാലും കര്ശന നടപടി എടുക്കുമെന്ന് ഡിജിപിയും വ്യക്തവുമാക്കിയിരുന്നു. എന്നാല്, സുപ്രീം കോടതിയുടെ സത്യസന്ധതയ്ക്കെതിരേ പരസ്യമായി അവിശ്വാസം രേഖപ്പെടുത്തി ഒരു വിഭാഗം ജനങ്ങളില് ആശങ്കിയും അസ്വസ്ഥതയും വിദ്വേഷവും കത്തിച്ച മുതലെടുക്കാനും കലാപവും സംഘര്ഷവും ഉണ്ടാക്കാനും ഉദ്ദേശിച്ച് സമൂഹമാധ്യത്തില് പോസ്റ്റ് ചെയ്ത എം. സ്വരാജിനെതിരേ ക്രിമിനല് നടപടി സ്വീകരിക്കണമെന്നും പ്രകാശ് ബാബു പരാതിയില് പറയുന്നു. വിഷയത്തില് പോലീസ് നടപടി സ്വീകരിച്ചില്ലെങ്കില് കോടതിയെ സമീപിക്കുമെന്നും പ്രകാശ്ബാബു വ്യക്തമാക്കി.
