കോഴിക്കോട്: പന്തീരാങ്കാവില്‍ യുഎപിഎ ചുമത്തി അറസ്റ്റ് ചെയ്ത സിപിഎം പ്രവര്‍ത്തകര്‍ക്കെതിരെ കൂടുതല്‍ തെളിവുകള്‍ പുറത്ത് വിട്ട് പോലീസ്. അലന്‍ ഷുഹൈബിനെതിരെ കൂടുതല്‍ തെളിവുണ്ടെന്നും പോലീസ് വ്യക്തമാക്കി. നിരോധിത സംഘടനാ പ്രവര്‍ത്തകര്‍ക്കൊപ്പം അലന്‍ നില്‍ക്കുന്ന ചിത്രങ്ങളാണ് പുറത്ത് വിട്ടത്. തെളിവുകള്‍ ഡിജിപിക്ക് കൈമാറിയിട്ടുണ്ടെന്നാണ് സൂചന.
കഴിഞ്ഞ ദിവസം അറസ്റ്റിലായ സിപിഎം പ്രവര്‍ത്തകരുടെ വീടുകളില്‍ നടത്തിയ പരിശോധനയില്‍ പല തെളിവുകളും കണ്ടെത്തിയിരുന്നു. അതും മാവോയിസ്റ്റ് ബന്ധം തെളിയിക്കുന്നതാണെന്ന് പോലീസ് പറഞ്ഞു.
അറസ്റ്റിലായ സിപിഎമ്മുകാരുടെ ജാമ്യാപേക്ഷ ഇന്ന് വീണ്ടും കോടതി പരിഗണിക്കാനിരിക്കെയാണ് കൂടുതല്‍ തെളിവുകളുമായി പോലീസ് രംഗത്തെത്തിയിരിക്കുന്നത്.
