തിരുവനന്തപുരം: മതവൈര്യം സൃഷ്ടിക്കുന്ന തരത്തില് മുദ്രാവാക്യം വിളിച്ചതിനു യൂത്ത് ലീഗ് സംസ്ഥാന സെക്രട്ടറിയടക്കം ഒന്പതുപേര്ക്കെതിരെ നാദാപുരം പോലീസ് കേസെടുത്തു. യൂത്ത് ലീഗ് സംസ്ഥാന സെക്രട്ടറി വിവി മുഹമ്മദലി, നിയോജക മണ്ഡലം ജനറല് സെക്രട്ടറി സി.കെ നാസര്, മണ്ഡലം പ്രസിഡന്റ് കെ.എം സമീര് എന്നിവരുള്പ്പെടുന്ന ഒന്പതുപേര്ക്കെതിരെയാണ് കേസെടുത്തിട്ടുള്ളത്.
കഴിഞ്ഞ ഞായറാഴ്ച വൈകുന്നേരമാണ് കേസിനാസ്പദമായ സംഭവം നടക്കുന്നത്. നാദാപുരം നിയോജക മണ്ഡലം യൂത്ത് ലീഗ് സമ്മേളനത്തിന്റെ സമാപനത്തിന്റെ ഭാഗമായി നടത്തിയ പ്രകടനത്തിലാണ് പ്രകോപനപരമായ മുദ്രാവാക്യം വിളികളുയര്ന്നത്. വള്ളൂരിലെ രക്തസാക്ഷി സി.കെ ഷിബിന്റെ അച്ഛന് സി.കെ ഭാസ്കരന്റെ പരാതിയിലാണ് കേസ് എടുത്തിരിക്കുന്നത്. മതസ്പര്ദ്ദയുണ്ടാക്കും വിധത്തില് പ്രവര്ത്തിച്ചതിനു 153 വകുപ്പ് പ്രകാരമാണ് കേസെടുത്തിരിക്കുന്നത്. യൂത്ത് ലീഗ് പ്രകടനത്തിന്റെ വീഡിയോ സഹിതം സോഷ്യല് മീഡിയയില് പ്രചരിച്ചതോടെയാണ് വിമര്ശനം വ്യപകമായത്.
