ബംഗളൂരു: വിജയ് ഹസാരെ ക്രിക്കറ്റ് ചാംപ്യന്ഷിപ്പില് ചരിത്രംകുറിച്ച് സഞ്ജു വി സാംസന്. ഗോവയ്ക്കെതിരെ 125 പന്തില് നിന്ന് സഞ്ജു കരിയറിലെ ആദ്യ ഇരട്ടസെഞ്ചുറി നേടി്. 66 പന്തില് നിന്ന് സെഞ്ചുറി തികച്ച സഞ്ജു 59 പന്തില് നിന്നാണ് ശേഷിച്ച 100 റണ്സ് അടിച്ചുകൂട്ടിയത്. ഏകദിന ക്രിക്കറ്റില് ഇരട്ട സെഞ്ചുറി നേടുന്ന ആറാമത്തെ ഇന്ത്യന് ബാറ്റ്സ്മാനാണ് സഞ്ജു. സച്ചിന് തെണ്ടുല്ക്കര്, വീരേന്ദര് സേവാഗ്, രോഹിത് ശര്മ, ശിഖര് ധവാന്, കര്ണ കൗശല് എന്നിവരാണ് സഞ്ജുവിന് മുന്പേ നേട്ടം കൊയ്തവര്.
വിജയ് ഹസാരെ ട്രോഫിയിലെ ഏറ്റവും ഉയര്ന്ന വ്യക്തിഗത സ്കോര് എന്ന നേട്ടവും സഞ്ജുവിന്റെ പേരിലായി. 66 പന്തില് സെഞ്ചുറി തികച്ച സഞ്ജു 125-ാം പന്തില് ഇരട്ട സെഞ്ചുറിയില് എത്തുകയായിരുന്നു. വിജയ് ഹസാരെ ടൂര്ണമെന്റില് സെഞ്ചുറി നേടുന്ന ആദ്യ മലയാളി താരവും രണ്ടാമത്തെ ഇന്ത്യന് താരവുമാണ് സഞ്ജു. അന്പത് ഓവറില് കേരളം മൂന്നുവിക്കറ്റ് നഷ്ടത്തില് 387 റണ്സെടുത്തു.
സഞ്ജുവിന്റെയും സെഞ്ചുറി നേടിയ മുന് നായകന് സച്ചിന് ബേബിയുടെയും (127) കരുത്തില് ആദ്യം ബാറ്റ് ചെയ്ത കേരളം 50 ഓവറില് മൂന്ന് വിക്കറ്റിന് 377 റണ്സ് അടിച്ചുകൂട്ടി. ഇതോടെ ഇരുവരും വിജയ് ഹസാരെയിലെ ഏറ്റവും ഉയര്ന്ന മൂന്നാം വിക്കറ്റ് കൂട്ടുകെട്ട് സ്വന്തമാക്കുകയും സച്ചിന് തെന്ഡുല്ക്കര് രാഹുല് ദ്രാവിഡ് സഖ്യത്തിന്റെ കൂട്ടുകെട്ട് മറികടക്കുകയും ചെയ്തു.
