തിരുവനന്തപുരം: സംസ്ഥാനത്ത് ശക്തമായ മഴ തുടരുകയാണ്. ഈരാറ്റുപേട്ടയിലും വടകരയിലും പാലക്കാടും ഉരുള് പൊട്ടി. പാലാ നഗരം വെള്ളത്തിനടിയിലാണ്. സംസ്ഥാനത്തെ 14 ജില്ലകളിലെയും വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടര്മാര് ഇന്ന് അവധി പ്രഖ്യാപിച്ചു.
കോട്ടയം റൂട്ടില് ട്രെയിനുകള് വഴിതിരിച്ചുവിട്ടു. മരം വീണ് വൈദ്യുതി ലൈനില് തകരാര് സംവിച്ചതിനാല് എറണാകുളം-ആലപ്പുഴ സെക്ഷനില് ട്രെയിന് ഗതാഗതം വൈകി. എടവണ്ണ ഒതായിയില് വീട് ഇടിഞ്ഞ് വീണ് നാല് പേര് മണ്ണിനടിയില് കുടുങ്ങി. ഭാരതപ്പുഴയില് ജലനിരപ്പ് ഉയരുന്നു. പട്ടാമ്പി പാലം വഴിയുള്ള ഗതാഗതം തടസ്സപ്പെട്ടു
.രക്ഷാ പ്രവര്ത്തനത്തിനായി സൈന്യത്തിന്റെ 43 അംഗ എക്കോ ടാസ്ക് സംഘം
രാവിലെ കൊച്ചിയിലെത്തും.മണിയാര് അണക്കെട്ടിലും ബാണാസുര സാഗര് അണക്കെട്ടിലും വെള്ളം നിഞ്ഞു.
നെടുമ്പാശ്ശേരി വിമാനത്താവളം ഞായറാഴ്ച ഉച്ചവരെ അടച്ചു.
7 ജില്ലകളിലായി 11 പേര് മരിച്ചു. 12 പേര്ക്കു പരുക്കേറ്റു. ഇടുക്കി, വയനാട് ജില്ലകളില് 3 പേര് വീതവുംകോഴിക്കോട്, പാലക്കാട്, മലപ്പുറം, കണ്ണൂര്, കാസര്കോട് ജില്ലകളില് ഒരാള് വീതവുമാണു മരിച്ചത്..
