ബെംഗളൂരു: ചന്ദ്രയാന് രണ്ട് പേടകത്തിന്റെ അഞ്ചാം ഘട്ട ഭ്രമണപഥവികസനവും വിജയകരമായി പൂര്ത്തീകരിച്ചു. 1041 സെക്കന്ഡ് (17 മിനുട്ട് 35 സെക്കന്ഡ്) നേരത്തേക്ക് പേടകത്തിലെ പ്രപള്ഷന് സിസ്റ്റം പ്രവര്ത്തിപ്പിച്ചാണ് ഭ്രമണപഥം വികസിപ്പിച്ചത്. പേടകം ഇപ്പോള് ഭൂമിയില് നിന്ന് അടുത്ത ദൂരം 276 കിലോമീറ്റും അകന്ന ദൂരം 142975 കിലോമീറ്ററുമായ ഭ്രമണപഥത്തില് എത്തിക്കഴിഞ്ഞതായും ഐഎസ്ആര്ഒ അറിയിച്ചു.
ഇന്ന് ഉച്ചയ്ക്ക് 3:04 ഓടെയാണ് ഭ്രമണപഥ വികസനം പൂര്ത്തിയായത്. ചന്ദ്രയാന് രണ്ട് ഉപഗ്രഹത്തിന്റെ അവസാന ഭൂകേന്ദ്രീകൃത ഭ്രമണപഥ വികസനമാണ് ഇന്ന് പൂര്ത്തിയായത്. സെപ്തംബര് ഏഴിന് ചന്ദ്രനില് സോഫ്ട് ലാന്ഡിങ് ചാന്ദ്രയാന് 2ന്റെ സേഫ് ലാന്ഡിങ് നടത്താനാകുമെന്നാണ് പ്രതീക്ഷിക്കുന്നത്.
