നോട്ടിങ്ഹാം: കരീബിയന് കൊടുങ്കാറ്റില് പാക്കിസ്ഥാന് തകര്ന്നു വീണു. ലോകകപ്പിലെ ആദ്യ മത്സരത്തില് അവര് വിന്ീഡിസില് നിന്ന് ഏഴു വിക്കറ്റിന്റെ ദയനീയ തോല്വി ഏറ്റുവാങ്ങി. ഒഷെയ്ന് തോമസിന്റെ തീപ്പൊരി ബൗളിങ്ങും ഗെയിലിന്റെ വെടിക്കെട്ട് ബാറ്റിങ്ങുമാണ് വിന്ഡീസിന് വിജയമൊരുക്കിയത്.
ഒഷെയ്ന് തോമസ് പാക് ബാറ്റിങ് നിരയിലേക്ക് കത്തിക്കയറിയതോടെ പാക്കിസ്ഥാന് 21.4 ഓവറില് 105 റണ്സിന് ഓള് ഔട്ടായി. തോമസ് 5.4 ഓവറില് 27 റണ്സിന് നാലു വിക്കറ്റുകള് വീഴ്ത്തി. തുടര്ന്ന് ഗെയ്ല് തകര്ത്തടിച്ചതോടെ വിന്ഡീസ് 13.4 ഓവറില് മൂന്ന് വിക്കറ്റ് നഷ്ടത്തില് 108 റണ്സ് നേടി വിജയത്തിലേക്ക് പറന്നിറങ്ങി. 218 പന്ത് ശേഷിക്കെയാണ് വിന്ഡീസ് വിജയം പിടിച്ചത്. ഗെയ്്ല് 34 പന്തില് മൂന്ന് സിക്സറും ആറു ഫോറുമടക്കം 50 റണ്സ് എടുത്തു.
ഒഷെയ്ന് തോമസാണ് കളിയിലെ കേമന്. ഓപ്പണര് ഷായ് ഹോപ്പ് 11 റണ്സിനും ബ്രാവോ പൂജ്യത്തിനും പുറത്തായി. എന്. പൂരന് (34), ഹെറ്റ്മെയര് (7) എന്നിവര് കീഴടങ്ങാതെ നിന്നു. ഏകദിനങ്ങളില് പാകിസ്ഥാന്റെ തുടര്ച്ചയായ പതിനൊന്നാം തോല്വിയാണിത്.
പാക്കിസ്ഥാനെ ബാറ്റിങ്ങിനയച്ച വിന്ഡീസ്് തുടക്കം മുതലേ വിക്കറ്റുകള് ഓരോന്നായി വീഴ്ത്തി. തോമസിനൊപ്പം ക്യാപ്റ്റന് ജേസണ് ഹോള്ഡറും ആന്ദ്രെ റസ്സലും തകര്ത്തെറിഞ്ഞതോടെ പാക്പട 22-ാം ഓവറില് ബാറ്റ് താഴ്ത്തി. ഹോള്ഡര് അഞ്ച് ഓവറില് 42 റണ്സിന് മൂന്ന് വിക്കറ്റ വീഴ്ത്തിയപ്പോള് റസ്സല് മൂന്ന് ഓവറില് കേവലം നാല് റണ്സിന് രണ്ട് വി്ക്കറ്റെടുത്തു.
പാക് നിരയില് ഫഖര് സമാന് (22), ബാബര് അസം (22), മുഹമ്മദ് ഹഫീസ് (16), വഹാബ് റിയാസ് (18) എന്നിവര്ക്ക് മാത്രമെ രണ്ടക്കം കടക്കാനായുളളൂ. ക്യാപ്റ്റന് സര്ഫ്രസ് അഹമ്മദ് എട്ട് റണ്സിന് കീഴടങ്ങി. മറ്റ് ബാറ്റ്സ്മാന്മാരും അനായാസം പുറത്തായതൊടെ പാക്കിസ്ഥന് ഇന്നിങ്ങ്സ് 105 റണ്സില് അവസാനിച്ചു. ലോകകപ്പില് പാക്കിസ്ഥാന്റെ ഏറ്റവും കുറഞ്ഞ രണ്ടാം സ്കോറാണിത്. 1992 ലെ ലോകകപ്പില് ഇംഗ്ലണ്ടിനെതിരെ നേടിയ 74 റണ്സാണ് ഏറ്റവും കുറഞ്ഞ സ്്കോര്.
സ്കോര്ബോര്ഡ്
പാക്കിസ്ഥാന്: ഇമാം ഉള് ഹഖ് സി ഹോപ്പ് ബി കൊട്രല് ബി 2, ഫഖര് സമാന് ബി റസ്സല് 22, ബാബര് അസം സി ഹോപ്പ് ബി തോമസ് 22, ഹാരിസ് സോഹയ്ല് സി ഹോപ്് ബി റസ്സല് 8, സര്ഫ്രസ് അഹമ്മദ് സി ഹോപ്പ് ബി ഹോള്ഡര് 8, മുഹമ്മദ് ഹഫീസ് സി കൊട്രല് ബി തോമസ് 16, ഇമാദ് വസീം സി ഗെയ്ല് ബി ഹോള്ഡര് 1, ഷബാദ് ഖാന് എല്ബിഡബ്ളിയു ബി തോമസ് 0, ഹസന് അലി സി കൊട്രല് ബി ഹോള്ഡര് 1, വഹാബ് റിയാസ് ബി തോമസ് 18, മുഹമ്മദ് അമീര് നോട്ടൗട്ട് 3, എക്സ്ട്രാസ് 4, ആകെ 21.4 ഓവറില് 105.
വിക്കറ്റ വീഴ്ച: 1-17, 2-35, 3-45, 4-62, 5-75, 6-77, 7-78, 8-81, 9-83.
ബൗളിങ്: ഷെല്ഡണ് കൊട്രല് 4-0-18-1, ജേസണ് ഹോള്ഡര് 5-0-42-3, ആന്ദ്രെ റസ്സല് 3-1-4-2, ബ്രാത്ത്വെയ്്റ്റ് 4-0-14-0, ഒഷെയ്ന് തോമസ് 5.4-0-27-4.
വെസ്റ്റ്് ഇന്ഡീസ് : ക്രിസ് ഗെയ്ല് സി ഷബാദ് ഖാന് ബി മുഹമ്മദ് അമീര് 50, എസ്്.ഡി. ഹോപ്പ് സി മുഹമ്മദ് ഹഫീസ് ബി മുഹമ്മദ് അമീര് 11, ഡി.എം.ബ്രാവോ സി ബാബര് അസം ബി മുഹമ്മദ് അമീര് 0, എന്.പൂരന് നോട്ടൗട്ട് 34, ഹെറ്റ്മെയര് നോട്ടൗട്ട് 7, എക്സ്ട്രാസ്് 6, ആകെ 13.4 ഓവറില് മൂന്ന് വിക്കറ്റിന് 108.
വിക്കറ്റ് വീഴ്ച: 1-36, 2-46, 3-77
ബൗളിങ്: മുഹമ്മദ് അമീര് 6-0-26-3, ഹസന് അലി 4-0-39-0, വഹാബ് റിയാസ് 3.4-1-40-0.
