കൊച്ചി: റിപ്പബ്ലിക് ടിവി ചാനല് എഡിറ്റര് അര്ണബ് ഗോസ്വാമി മലയാൡകളെ ആക്ഷേപിച്ചെന്ന് പ്രചാരണം. എന്നാല് മലയാളി കരുത്തനും മഹാനുമാണെന്ന് പ്രശംസിക്കുകയായിരുന്നു അര്ണബ്. ചിലരുടെ പ്രചാരണം കേട്ടമാത്രയില് മലയാളികളെയാകെ അപമാനിതരാക്കുന്ന തരത്തില് അര്ണബിന്റെയും റിപ്പബ്ലിക്കന് ടിവിയുടെയും സോഷ്യല് മീഡിയ അക്കൗണ്ടുകളില് മലയാളത്തില് പുളിച്ച തെറിയെഴുതി ചിലര് പ്രതികരിച്ചു. സഹിഷ്ണുതയും മാധ്യമ സ്വാതന്ത്ര്യവും പറയുന്നചിലര് ചാനല് ബഹിഷ്കരിക്കുന്നതായും പ്രഖ്യാപിച്ചു.
കേരളത്തിലെ വെള്ളപ്പൊക്ക ദുരിതാശ്വാസമായിരുന്നു ചര്ച്ചാ വിഷയം. അതില് യുഎഇ സഹായ വിവാദമുള്പ്പെടെ പരാമര്ശ വിഷയമായി. അതിനിടെ നടത്തിയ പരാമര്ശങ്ങളാണ് തെറ്റായി വ്യാഖ്യാനിച്ചത്. എന്നാല്,
”കേരളത്തെ, മലയാളികളെ, അര്ണബ് അപമാനിച്ചു”വെന്ന് ചിലര് പ്രചരിപ്പിക്കുമ്പോള് ”കേരളം ഒരു പ്രത്യേക ദേശീയത”യാണെന്ന് വാദിക്കുന്നവരുടെ കൂട്ടത്തില് കൂടുകയാണ് അവര്. അര്ണബ് വാസ്തവത്തില് കേരളീയരെ പുകഴ്ത്തുകയാണ്. കള്ളനാണയങ്ങളെ തൊലിയുരിക്കുകയാണ്.
അര്ണബ് പറഞ്ഞത് ഇംഗ്ലീഷാണ്. മലയാളത്തില് ഏകദേശം ഇങ്ങനെയാണ്. ” എന്റെ സംസ്ഥാനമായ അസമിലും വെള്ളപ്പൊക്കമാണ്. അതുകൊണ്ടെനിക്ക് കേരളത്തോട് അനുതാപമുണ്ട്. കേരളത്തിലുള്ളവര് മനശ്ശാസ്ത്രപരമായി അതിവേഗം പൂര്വസ്ഥിതിയിലേക്ക് മടങ്ങുന്നവരാണ്, അവര് മഹാന്മാരാണ് ശക്തരാണ് എന്ന് കാണിച്ചു തന്നിട്ടുള്ളവരാണ്. ഈ സമയം എനിക്കു പറയാനുള്ളത് ചിലര് വ്യാജവാര്ത്തയുണ്ടാക്കുകയാണ്, അവരെ ദുര്വിനിയേഗിക്കാന്. ദുരിത വേളയില് ജനങ്ങളെ അവിഹിതമായി സ്വാധീനിക്കുന്നത് വിലകുറഞ്ഞപണിയാണ്… കേരളജനത ഇത് മറക്കുമെന്ന് തോന്നുന്നുണ്ടോ?
ഈ ഗ്രൂപ്പ് നാണമില്ലാത്ത, ഈ ഇന്ത്യന് കൂട്ടര്, മുമ്പുകണ്ടിട്ടില്ലാത്ത ഇവര്, കള്ളം പ്രചരിപ്പിക്കുകയാണ്. എനിക്കറിയില്ല എന്തിനാണവര് ഇത് ചെയ്യുന്നതെന്ന്. സ്വന്തം രാജ്യത്തെ കുറ്റപ്പെടുത്തുന്നതിന് അവര്ക്ക് പണം കിട്ടുന്നുണ്ടോ. ആരാണവര്ക്ക് സഹായം നല്കുന്നത്. ഇന്ത്യയെ മോശപ്പെടുത്താനുള്ള ഗൂഢാലോചനയാണിത്.”
ഇതാണ് ചിലര് തെറ്റായി വ്യാഖ്യാനിച്ചത്. കേട്ടപാതി ‘ മോനേ ഗോസ്വാമിീ നീ തീര്ന്നു’ എന്ന് സിനിമാ ഡയലോഗ് എഴതിയ നടന് അജു വര്ഗീസിനെ രൂക്ഷമായി വിമര്ശിച്ച് പലരും സോഷ്യല് മീഡിയയില് പ്രതികരിക്കുന്നുണ്ട്.
