ന്യൂദല്ഹി: കള്ളപ്പണക്കാര്ക്കും നികുതി വെട്ടിപ്പുകാര്ക്കും എതിരായ നടപടികള് കര്ക്കശമാക്കിയതോടെ നികുതി അടയ്ക്കുന്ന കോടീശ്വരന്മാരുടെ എണ്ണത്തില് 54 ശതമാനം വര്ധന. 2012- 2013ല് 37248 പേരാണ് നികുതി അടച്ചിരുന്നത്. 2015-2016 ആയപ്പോഴേക്കും ഇവരുടെ എണ്ണം 57,399 ആയി. ഒരു കോടിക്കു മേല് വരുമാനമുള്ളവരാണിവര്.
കള്ളപ്പണത്തിനെതിരായ നടപടി ശക്തമാക്കിയതാണ് ഒരു കാരണം. സാമ്പത്തിക ഇടപാടുകള് ഡിജിറ്റലാക്കിയതും വലിയ ഇടപാടുകള് ബാങ്കുകള് വഴി ചെക്കായോ ഇലക്ട്രോണിക്ക് ഇടപാടുകള് വഴിയോ മാത്രമാക്കിയതുമാണ് മറ്റു കാരണങ്ങള്. ഇതോടെ ഇവരുടെ ഇടപാടുകളെല്ലാം സുതാര്യമാക്കേണ്ടിവന്നു. അങ്ങനെ നികുതി ഒടുക്കേണ്ടിയും വന്നു.
