വടക്കഞ്ചേരി:കണ്ണമ്പ്ര വ്യവസായ പാര്ക്കിന് സ്ഥലമേറ്റെടുക്കുന്നതുമായി ബന്ധപ്പെട്ട് കളക്ടറുടെ നേതൃത്വത്തില് വിളിച്ചുചേര്ക്കുന്ന യോഗത്തിന് ശേഷം സ്ഥലമുടമകള് രേഖകള് സമര്പ്പിക്കും.സ്ഥലമെടുപ്പ് സംബന്ധിച്ച് ഭൂവുടമകള്ക്ക് ആശങ്കകള് നിലനില്ക്കെ രേഖകള് കൈമാറുന്നതിന് മിക്കവരും തയ്യാറാവാത്ത സാഹചര്യത്തിലാണ് തീരുമാനമെന്ന് കര്ഷക കൂട്ടായ്മ പ്രസിഡണ്ട് ജയിംസ് പാറയില് പറഞ്ഞു.
തൊണ്ണൂറോളം പേര് അംഗങ്ങളായിട്ടുള്ള കര്ഷക കൂട്ടായ്മയില് ആര്ക്കും നാളിതുവരെ വ്യക്തിപരമായി അറിയിപ്പോ മറ്റോ ലഭിച്ചിട്ടില്ല. കളക്ടറുടെ നേതൃത്വത്തില് യോഗം വിളിച്ചു കൂട്ടി ഓരോ ഉടമകളുടെയും സംശയം തീര്ത്ത് സുതാര്യമായ രീതിയിലാണ് പദ്ധതി നടപ്പാക്കുകയെന്ന ഉറപ്പ് നല്കണമെന്നും കര്ഷക കൂട്ടായ്മ ആവശ്യപ്പെട്ടു.
പദ്ധതി യാഥാര്ത്ഥ്യമാവുന്നതോടെ സമീപവാസികള്ക്ക് യാതൊരു മാലിന്യ പ്രശ്നങ്ങളോ മറ്റോ ഉണ്ടാവില്ലെന്നും ഉറപ്പ് നല്കണമെന്നും പറഞ്ഞു. നിലവില് 470 ഏക്കര് ഭൂമിയാണ് വ്യവസായ പാര്ക്കിനായി ഏറ്റെടുക്കുന്നത്. ഇതില് 300 ഏക്കര് സര്വ്വേ നടപടികള് കഴിഞ്ഞു.
