കേളകം: ചേംബര് ഓഫ് കേളകം ഓഫീസ് ഉദ്ഘാടനവും ആംബുലന്സ് സമര്പ്പണവും ഓണാഘോഷവും സംഘടിപ്പിച്ചു. സണ്ണി ജോസഫ് എംഎല്എ ഉദ്ഘാടനം ചെയ്തു. ചേംബര് ഓഫ് കേളകം പ്രസിഡന്റ് ജോര്ജുകുട്ടി വാളുവെട്ടിക്കല് അധ്യക്ഷത വഹിച്ചു. ആംബുലന്സ് സമര്പ്പണം പഞ്ചായത്ത് പ്രസിഡന്റ് മൈഥലി രമണന് നിര്വഹിച്ചു. മെമ്പര്ഷിപ്പ് വിതരണം വര്ഗീസ് കാടായവും നിര്ധന കുട്ടികള്ക്കുള്ള പഠന സഹായം പഞ്ചായത്ത് വൈസ് പ്രസിഡന്റ് രാജന് അടുക്കോലിലും മെമ്പര്മാരുടെ കുട്ടികളില് മികച്ച വിജയം നേടിയവരെ ആദരിക്കല് പഞ്ചായത്തംഗം ശാന്ത രാമചന്ദ്രനും നിര്വഹിച്ചു. സി.ടി.അനീഷ്, വര്ഗീസ് ജോസഫ്, സന്തോഷ്, ലിജോ പി ജോസ്, തോമസ് കളപ്പുര, അഡ്വ.പി.വി ജോസ്, എസ്.ടി രാജേന്ദ്രന്, പി.എം.രമണന്, അബ്ദുള് അസീസ്, ടൈറ്റസ് മാസ്റ്റര്, ജോസ് ആവണംകോട്ട്, ഷേര്ളി സാജു, വേണു ചെറിയത്ത്, ടി.പി.ഷാജി, ബിനു.കെ ആന്റണി, ജോസഫ് പാറയ്ക്കല്, സ്റ്റാനിസ്ലാവോസ്, ഷാജി മലബാര് തുടങ്ങിയവര് പ്രസംഗിച്ചു. തുടര്ന്ന് വിവിധ കലാകാരന്മാര് അണിനിരന്ന വര്ണശബളമായ ഓണാഘോഷ വിളംബര റാലിയും നടന്നു. കേളകം ലിറ്റില് ഫഌവര് ഇംഗ്ലീഷ് മീഡിയം സ്കൂള് പരിസരത്ത് നിന്നാരംഭിച്ച ഘോഷയാത്ര ബസ് സ്റ്റാന്റിലൂടെ ഐശ്വര്യ ഓഡിറ്റോറിയത്തില് സമാപിച്ചു. തുടര്ന്ന് ഗാനമേളയും ഓണസദ്യയും നടത്തി. നൂറു കണക്കിനാളുകളാണ് പരിപാടിയില് പങ്കെടുത്തത്. സാമൂഹ്യ സേവന രംഗം ലക്ഷ്യമിട്ടാണ് സംഘടന പ്രവര്ത്തിക്കുക.
