സ്‌കൂള്‍ ബസ് വയലിലേക്ക് മറിഞ്ഞ് അപകടം

വളാഞ്ചേരി: വൈക്കത്തൂര്‍ എയുപി സ്‌കൂളിന്റെ ബസ് വയലിലേക്ക് മറിഞ്ഞ് പത്ത് കുട്ടികള്‍ക്ക് പരിക്ക്.

ഇന്നലെ രാവിലെയാണ് സംഭവം. വയലിന് നടുവിലൂടെയുള്ള റോഡിലൂടെ കുട്ടികളുമായി സ്‌കൂളിലേക്ക് വരുന്നതിനിടെ മറ്റൊരു വാഹനത്തിന് സൈഡ് കൊടുക്കുമ്പോഴായിരുന്നു അപകടം.

റോഡിന്റെ വശം ഇടിഞ്ഞ് ബസ് പാടത്തേക്ക് പതിക്കുകയായിരുന്നു. ഓടിക്കൂടിയ നാട്ടുകാരാണ് രക്ഷാപ്രവര്‍ത്തനം നടത്തിയത്.

മാങ്കാവില്‍ നിഹാല്‍(12), രാജന്‍ കൃഷ്ണന്‍(7), സിന്‍സല(8), റിന്‍ഷാദ്(11), ദിവ്യ(12), സിനാന്‍(8), ശ്രീലക്ഷ്മി(6), രോഹിത്(9), അജയ് ശങ്കര്‍(10), ആമിനത്ത് ഷിഫ(12), കൃഷ്ണപ്രിയ(11), അന്‍സീറ(13), ഫാത്തിമസന(10), ജുമ്‌ന(12), ആദിനാന്‍(11) എന്നിവര്‍ക്കാണ് പരിക്കേറ്റത്.

പരിക്കേറ്റവരെ വളാഞ്ചേരിയിലെ ആശുപത്രികളില്‍ പ്രവേശിപ്പിച്ചു. ആരുടെയും പരിക്കുകള്‍ ഗുരുതരമല്ല.