സ യുക്താത്മാ ഹി- ആ ജ്ഞാനി ഭക്തന് എന്നോട് എപ്പോഴും ചേര്ന്നുതന്നെ-എന്റെ സൗന്ദര്യത്തെയും ആനന്ദത്തെയും വാക്കുകളെയും ലീലകളെയും എപ്പോഴും ആസ്വദിച്ചുകൊണ്ടുനില്ക്കുന്നു. തീക്കനല് കൂമ്പാരത്തില് ഇട്ടു ചുട്ടുപഴുത്ത്, മറ്റൊരു തീക്കനലായി മാറിയ ഇരുമ്പു ദണ്ഡ്, എന്തെങ്കിലും കാരണവശാല് ഭൂമിയിലേക്ക് തെറിച്ചു വീണ്, തണുത്തുപോയാല് വീണ്ടും സാധാരണ ഇരുമ്പ് ദണ്ഡായി മാറും.
പക്ഷേ, ഭക്തന് ഭഗവാനില്, തെറിച്ചുവീഴുന്ന പ്രശ്നമേയില്ല. ഈ ആശയാണ് യുക്താത്മാ- എന്ന പദം ഉള്ക്കൊള്ളുന്നത്.
മാം അനുത്തമാം ഗതി ആ സ്ഥിതഃ- ഭഗവാന് പറയുന്നു. എന്നെത്തന്നെ സ്നേഹപൂര്വം സേവിക്കാതെ ഒരുനിമിഷം പോലും കഴിച്ചുകൂട്ടാന് കഴിയാതെ എന്നെ ആശ്രയിക്കുന്നു. ആ ഭക്തനെ ഏറ്റവും ഉത്കൃഷ്ടവും ആനന്ദരസ പൂര്ണവുമായ എന്റെ ലോകത്തിലേക്ക് ഞാന് ആരായിരിക്കും. ഞാനും എന്റെ ലോകവും രണ്ടു വ്യത്യസ്തമായ വസ്തുക്കളല്ല. എന്റെ വ്യക്തിത്വത്തില് ഉള്പ്പെട്ടതുതന്നെയാണ് എന്റെ ലോകവും അതുകൊണ്ടാണ്. മാം= എന്നെ-എന്നു പറഞ്ഞത്. ആ ഭക്തന് എന്നെ പിരിഞ്ഞ് ജീവിക്കാന് സാധ്യമല്ലാത്തതുപോലെ എനിക്കും ആ ഭക്തനെ കൂടാതെ ആനന്ദം പൂര്ണാവുകയില്ല എന്ന് താല്പ്പര്യം.
