കണ്ണൂര്: പരിമിതമായ ആത്മീയ അറിവുള്ള പുതുതലമുറയ്ക്ക് ഗുരുദേവ ദര്ശനത്തിലൂടെ സത്യാന്വേഷണത്തിലെത്താന് കഴിയുമെന്ന് സ്വാമി സച്ചിദാനന്ദ പറഞ്ഞു. ശിവഗിരി ശ്രീനാരായണ പ്രതിഷ്ഠ കനക ജൂബിലി ആഘോഷത്തിന്റെ ജില്ലാതല സംഘാടക സമിതി രൂപീകരണ യോഗം കണ്ണൂര് തളാപ്പ് ശ്രീ സുന്ദരേശ്വര ക്ഷേത്രത്തിലെ ചൈതന്യസ്വാമി സ്മാരക ഹാളില് ഉദ്ഘാടനം ചെയ്യുകയായിരുന്നു അദ്ദേഹം.
ഗുരുദേവ സന്ദേശം പുതുതലമുറയ്ക്ക് പകര്ന്നു കൊടുക്കുകയെന്നത് ഒരു ദൗത്യമായി എല്ലാവരും ഏറ്റെടുക്കേണ്ടതാണ്. ധര്മ്മ പ്രചാരണത്തിനും അതുവഴി നല്ലൊരു തലമുറയെ സൃഷ്ടിച്ചെടുക്കാനും ഇതുകൊണ്ടു സാധിക്കും. ശ്രീനാരായണ പ്രതിഷ്ഠ കനകജൂബിലിയുടെ ഭാഗമായി നടത്തുന്ന പ്രാര്ഥനാ യോഗങ്ങളുടെയും സര്വ്വമത സമ്മേളനങ്ങളുടെയും അന്തഃസത്ത മനസ്സിലാക്കാന് നമുക്ക് കഴിയണം. എല്ലാ മതങ്ങളുടെയും സാരാംശം ഒന്നാണെന്ന ചിന്തയുണ്ടായാല് മാത്രമെ ആത്മീയ പുരോഗതി കൈവരിക്കാന് കഴിയുകയുള്ളൂ. ഗുരുദേവന് കാണിച്ചു തന്ന സര്വ്വമത സമന്വയത്തിന്റെ പൊരുള് തിരിച്ചറിയുന്നതിനുള്ള യഥാര്ഥ വഴി കൂടിയാണ് ഇത്തരം ആഘോഷങ്ങളെന്നും സ്വാമി പറഞ്ഞു.
കനകജൂബിലി ആഘോഷം മലബാര് മേഖലാ ചെയര്മാന് അരയാക്കണ്ടി സന്തോഷ് ചടങ്ങില് അദ്ധ്യക്ഷത വഹിച്ചു. എസ്എന്ഡിപി യോഗം അസിസ്റ്റന്റ് സെക്രട്ടറി കെ.കെ.ധനേന്ദ്രന്, സ്വാമി പ്രേമാനന്ദ, ഭക്തിസംവര്ധിനി യോഗം പ്രസിഡന്റ് കെ.പി.ബാലകൃഷ്ണന്, എം.കെ. വിനോദ്, വി.പി.ദാസന്, മോഹനന് പൊന്നമ്പേത്ത്, പി.സി.രഘുറാം, കെ.രാഘവന് എന്നിവര് പ്രസംഗിച്ചു.
പരിപാടിയുടെ വിജയത്തിനായി 251 അംഗ കമ്മിറ്റി രൂപീകരിച്ചു. ജ്ഞാനോദയയോഗം പ്രസിഡന്റ് കെ.പി. രത്നാകരന്, ഭക്തിസംവര്ദ്ധിനിയോഗം പ്രസിഡന്റ് കെ.പി ബാലകൃഷ്ണന്, എസ്എന്ഡിപി യോഗം അസിസ്റ്റന്റ് സെക്രട്ടറി കെ.കെ.ധനേന്ദ്രന് എന്നിവര് രക്ഷാധികാരികളാണ്. മറ്റ് ഭാരവാഹികള്: വി.പിദാസന്-ചെയര്മാന്, ഭക്തിസംവര്ദ്ധിനിയോഗം സെക്രട്ടറി കെ.പി.പവിത്രന്-ജനറല് കണ്വീനര്, മോഹനന് പൊന്നമ്പത്ത് കോഓര്ഡിനേറ്റര്, പി.സി.രഘുറാം, കെ.വി.അജി, എം.സദാനന്ദന്, ശശിധരന് തലശ്ശേരി, ഭരതന് തളിപ്പറമ്പ്, പി.രഘൂത്തമന്- വൈസ് ചെയര്മാന്മാര്, പി.വി.ജയകുമാര്, പി.എന്.ബാബു, ശശീന്ദ്രന് പാനൂര്, എം.ബാലന്, ടി.വി.വസുമിത്രന്, സി.വി.രാഘവന്-കണ്വീനര്മാര്.
