കൊച്ചി: നാഷണല് ഇന്സ്റ്റിറ്റിയൂഷണല് റാങ്കിങ് ഫ്രെയിംവര്ക്ക് (എന് ഐ ആര് എഫ്) റാങ്കിങ്ങില് കോയമ്പത്തൂരിലെ അമൃത സര്വകലാശാലയ്ക്ക് സ്വകാര്യ സര്വകലാശാലകളില് ഒന്നാം സ്ഥാനവും രാജ്യത്തെ മികച്ച സര്വകലാശാലകളില് ഒന്പതാം സ്ഥാനവും ലഭിച്ചു.
കേന്ദ്ര മാനവശേഷി വികസന മന്ത്രി പ്രകാശ് ജാവ്ദേക്കറാണ് റാങ്കിങ് പട്ടിക പുറത്തിറക്കിയത്.
കഴിഞ്ഞ വര്ഷത്തെ റാങ്കിങ്ങില് യഥാക്രമം ഒന്നും പതിനാലും സ്ഥാനമായിരുന്നു അമൃതക്ക് ഉണ്ടായിരുന്നതെന്ന് വൈസ് ചാന്സലര് ഡോ. പി. വെങ്കട് രംഗന് പറഞ്ഞു.
2003 ല് സ്ഥാപിതമായത് മുതല് അമൃത കാത്തുസൂക്ഷിക്കുന്ന അക്കാദമിക് മികവും മികച്ച ഫാക്കല്റ്റി സേവനവുമാണ് വിജയത്തിന് പിന്നിലെന്നും അദ്ദേഹം പറഞ്ഞു.
ഇന്ത്യന് ഇന്സ്റ്റിറ്റിയുട്ട് ഓഫ് സയന്സ് ബെംഗളൂരു, ജെ എന് യു, ബനാറസ് ഹിന്ദു സര്വകലാശാല, ജവഹര്ലാല് നെഹ്റു സെന്റര് ഫോര് അഡ്വാന്സ്ഡ് സയന്റിഫിക് റീസര്ച്ച്, ജാദവ്പൂര് സര്വകലാശാല, അണ്ണാ സര്വകലാശാല, യൂണിവേഴ്സിറ്റി ഓഫ് ഹൈദരാബാദ്, ദില്ലി സര്വകലാശാല എന്നിവയോടൊപ്പമാണ് അമൃതയും ഇടം പിടിച്ചത്.
നാക് ‘എ ‘ സര്ട്ടിഫിക്കേഷനുള്ള സര്വകലാശാല 18000 വിദ്യാര്ഥികളുള്ള മികച്ച ഗവേഷക സര്വ്വകലാശാലകളിലൊന്നാണ്. കേരളം, തമിഴ്നാട്, കര്ണാടക സംസ്ഥാനങ്ങളിലായി അഞ്ച് ക്യാമ്പസുകളിലായാണ് അമൃത സര്വകലാശാലയുടെ പ്രവര്ത്തനം.
മാതാ അമൃതാനന്ദമയി ദേവിയാണ് അമൃത സര്വകലാശാലയുടെ സ്ഥാപകയും ചാന്സലറും
