കറുകച്ചാല്‍: സാമൂഹ്യ സാംസ്‌കാരിക രംഗത്തെ പ്രവര്‍ത്തകര്‍ക്ക് കവി വി.എസ്.ഭാസ്‌ക്കരപ്പണിക്കര്‍ എന്നും മാര്‍ഗദീപമായിരുന്നുവെന്ന് ആര്‍എസ്എസ് പ്രാന്തീയ കാര്യകാരി സദസ്യന്‍ അഡ്വ.എന്‍.ശങ്കര്‍റാം പറഞ്ഞു.
തപസ്യ കലാസാഹിത്യവേദിയുടെ ആഭിമുഖ്യത്തില്‍ നെത്തല്ലൂര്‍ ഏകാത്മതാ കേന്ദ്രത്തില്‍ നടന്ന കടയനിക്കാട് തയ്യില്‍ വി.എസ്.ഭാസ്‌ക്കരപ്പണിക്കരുടെ രണ്ടാം ചരമദിനത്തില്‍ അനുസ്മരണ പ്രഭാഷണം നടത്തുകയായിരുന്നു അദ്ദേഹം.
ഇത്രയധികം ദേശഭക്തിഗാനങ്ങള്‍ എഴുതിയ ഒരുകവിയും വി.എസ്.ഭാസ്‌ക്കരപ്പണിക്കര്‍ അല്ലാതെ മലയാളക്കരയില്‍ എന്നല്ല ഭാരതത്തില്‍തന്നെ ഉണ്ടായിട്ടില്ലെന്ന് ബാലഗോകുലം സംസ്ഥാന നിര്‍വ്വാഹക സമിതിയംഗം പ്രൊഫ.സി.എന്‍.പുരുഷോത്തമന്‍ നമ്പൂതിരി പറഞ്ഞു. തപസ്യ സംസ്ഥാന സെക്രട്ടറി പി.ജി.ഗോപാലകൃഷ്ണന്‍, മേഖലാ സെക്രട്ടറി പി.എന്‍ .ബാലകൃഷ്ണന്‍, പൊന്‍കുന്നം ഉപജില്ലാ വൈസ് പ്രസിഡന്റ് സോമന്‍ കടയനിക്കാട് എന്നിവര്‍ സംസാരിച്ചു.
