കൊച്ചി : സഹപൈലറ്റിന്റെ ആക്രമണത്തെ ചെറുത്ത് നിന്ന് നൂറ് കണക്കിന് യാത്രക്കാരുടെ ജീവൻ രക്ഷിച്ച ഇന്ത്യൻ പൈലറ്റ് സ്മിത് മച്ചാറിനെ അഭിനന്ദിച്ച് കേന്ദ്രമന്ത്രി സുരേഷ് ഗോപി. സ്മിത് മച്ച്ഛാറിന്റെ ധീരത ഓരോ ഇന്ത്യക്കാരനും അഭിമാനിക്കാവുന്ന ഒന്നാണെന്ന് സുരേഷ് ഗോപി ഫേസ്ബുക്ക് പോസ്റ്റിൽ കുറിച്ചു.
ഫേസ്ബുക്ക് പോസ്റ്റിന്റെ പൂർണ്ണരൂപം…
ടെൽ അവീവിലേക്കുള്ള flydubai വിമാനത്തിൽ കഴിഞ്ഞ ദിവസം ഉണ്ടായ അതീവ ഗുരുതരമായ സംഭവത്തിനിടെ, സ്വന്തം ജീവൻ പോലും അപകടത്തിലായിരുന്ന സാഹചര്യത്തിലും അസാമാന്യമായ ധൈര്യവും മനസ്സാന്നിധ്യവും പ്രകടിപ്പിച്ച ഇന്ത്യൻ പൈലറ്റ് ക്യാപ്റ്റൻ സ്മിത് മച്ച്ഛാറിന് ഹൃദയം നിറഞ്ഞ ആദരം.
ഗുരുതരമായി പരിക്കേറ്റിട്ടും കോക്പിറ്റ് വാതിൽ തുറക്കാൻ അദ്ദേഹം കാണിച്ച മനസ്സാന്നിധ്യം യാത്രക്കാരെയും ജീവനക്കാരെയും ഇടപെടാനും വലിയൊരു ദുരന്തം ഒഴിവാക്കാനും സഹായിച്ചു. വിമാനത്തിലുണ്ടായിരുന്ന 174 പേരുടെ സുരക്ഷ ഉറപ്പാക്കുന്നതിൽ അദ്ദേഹത്തിന്റെ ധൈര്യത്തിന് നിർണായക പങ്കുണ്ടായി.
വിമാനയാത്രക്കാരുടെ സുരക്ഷയും ഉത്തരവാദിത്തവും സ്വന്തം ജീവിതത്തേക്കാൾ മുൻപിൽ വച്ച ക്യാപ്റ്റൻ സ്മിത് മച്ച്ഛാറിന്റെ ധീരത ഓരോ ഇന്ത്യക്കാരനും അഭിമാനിക്കാവുന്ന ഒന്നാണ്.
ക്യാപ്റ്റൻ സ്മിത് മച്ച്ഛാർ, താങ്കളുടെ ധൈര്യത്തിന് രാജ്യം സല്യൂട്ട് ചെയ്യുന്നു. 🇮🇳
താങ്കൾ എത്രയും വേഗം പൂർണ്ണ ആരോഗ്യത്തോടെ തിരിച്ചെത്തട്ടെയെന്ന് ആത്മാർത്ഥമായി പ്രാർത്ഥിക്കുന്നു.
ജയ് ഹിന്ദ്
